जगाच्या विकासासाठी हिंदू एकता महत्त्वाची : दत्तात्रेय होसबळे

पश्चिम बंगालमध्ये जुलै महिन्यात ताडकेश्वर नदीला पूर आला होता. यावेळी २५ हजार कुटुंबांकरीता संघ स्वयंसेवकांनी मदतकार्य केले आहे. ओडिया येथे निर्माण झालेल्या पूरपरिस्थिती दरम्यान ४० हजार परिवारांना संघाने मदत पोहोचवली आहे. नुकत्याच ओडिसात आलेल्या 'दाना' चक्रीवादळादरम्यान येथील एकूण २० खंडांमध्ये १००० स्वयंसेवकांचे मदतकार्य सुरु होते. वायनाड येथे झालेल्या भूस्खलनादरम्यान हजारो स्वयंसेवकांचा गट मदतकार्यात गुंतला होता. त्याचप्रमाणे गुजरातच्या वडोदरा येथे आलेल्या पूरावेळी ८१ वस्त्यांमध्ये मदतकार्य केले होते.

बांगलादेशात निर्माण झालेली हिंदू विरोधी परिस्थीती पाहता बांगलेदेशातील हिंदूंनी पलायन न करता तिथेच संघटित होऊन खंबीरपणे आव्हानांचा सामना करण्याची आवश्यकता आहे. बांगलादेश भारतापासून विभाजित झाला असला तरी, बांगलादेश ही येथील हिंदूंची सुद्धा भूमी आहे. इतिहासातही तशा नोंदी आहेत. तिथल्या हिंदूंच्या रक्षणासाठी योग्य व्यवस्था तयार व्हायला हवी.