उत्तरकाशीत हनुमान चालिसा पठण करणाऱ्यांवर लाठीचार्ज

मुंबई (विशेष प्रतिनिधी) : (Uttarkashi News) हिमाचल प्रदेश पाठोपाठ उत्तराखंडतील उत्तरकाशी येथे बेकायदेशीर मशीद हटवण्याची मागणी करत हिंदू संघटना रस्त्यावर उतरल्या आहेत. याप्रकरणी गुरुवार, दि. २४ ऑक्टोबर रोजी स्थानिक हिंदू आणि धार्मिक संघटनांशी संबंधित लोकांनी निषेध रॅली काढली. यादरम्यान हनुमान चालिसाचे पठण करणाऱ्यांवर लाठीचार्ज झाल्याची माहिती मिळत आहे, ज्याच २७ जण जखमी झाले आहेत.

हे वाचलंत का? : दिल्लीत विश्व हिंदू परिषदेची केंद्रीय मार्गदर्शक मंडळ बैठक

पोलिसांनी केलेल्या लाठीचार्जच्या निषेधार्थ हिंदू संघटनांनी शुक्रवारी यमुना घाटी बंदची हाक दिली आहे. यमुना खोरे जिल्हा उद्योग व्यापार मंडळाच्या हाकेवर हा बंद पुकारण्यात आला होता. उत्तरकाशीच्या बराहत भागात सरकारी जमिनीवर बेकायदेशीरपणे मशीद बांधण्यात आल्याचा आरोप हिंदू संघटना करत आहेत. ते काढून टाकण्याची मागणी सातत्याने होत असून याबाबत आंदोलकांकडून हनुमान चौकातून रॅली काढण्यात आली होती.

मिळालेल्या माहितीनुसार, आंदोलक हनुमान चौकातून मशिदीच्या दिशेने जाऊ लागले तेव्हा त्यांना रोखण्यासाठी जिल्हा प्रशासनाने गंगोत्री राष्ट्रीय महामार्गावर भटवाडीकडे बॅरिकेड्स लावले. आंदोलकांनी बॅरिकेडिंग हटवण्यास सुरुवात केली असता त्यांची पोलिसांशी बाचाबाची झाली. पोलिसांनी त्यांना पुढे जाण्यापासून रोखले असता आंदोलकांनी धरणे धरून हनुमान चालिसाचे पठण सुरू केले. यानंतर आंदोलकांनी बॅरिकेड्स हटवण्याचा प्रयत्न केला असता त्यांची पोलिसांशी झटापट झाली. पोलिसांनी आंदोलकांवर लाठीचार्ज केला. यावेळी अश्रुधुराच्या नळकांड्याही सोडण्यात आल्या. यावेळी झालेल्या चकमकीत ७ पोलिसांसह २७ जण जखमी झाले आहेत. जखमींमध्ये दोन महिला आंदोलकांचाही समावेश आहे. जखमींना उपचारासाठी जिल्हा रुग्णालयात दाखल करण्यात आले आहे.