( फोटो सौजन्य - E-Sakal )
मुंबई : ( Raj Thackeray )काही दिवसांपूर्वी मालाड पूर्व येथे घडलेल्या मनसे कार्यकर्त्याच्या मुलाच्या हत्याप्रकरणामुळे संपूर्ण शहरात खळबळ उडाली होती. कट मारल्याने सुरू झालेल्या किरकोळ वादातून रिक्षाचालक आणि फेरीवाल्यांनी मिळून आकाश माइन याला केलेल्या बेदम मारहाणीमुळे त्याचा दुर्देवी मृत्यू झाला आहे. या प्रकरणातील पीडित कुटुंबियांची मनसे प्रमुख राज ठाकरे यांनी मालाड येथे जाऊन प्रत्यक्ष भेट घेतली.
आकाश हा मनसे कार्यकर्त्या दिपाली व दत्तात्रय माइन यांचा मुलगा. काही दिवसांपूर्वी कारच्या शोरुम मधून घरी परतत असताना हा दुर्देवी प्रकार आकाश व त्याच्या कुटुंबियांसोबत घडला. याच हत्याप्रकरणातील कुटुंबियांची भेट घेण्यासाठी राज ठाकरे मालाड येथे पोहोचले आहेत. राज ठाकरेंनी मनसे पदाधिकारी दिपाली माइन यांचे सांत्वन करत माइन कुटुंबियांना धीर दिला.