अभिनेते अतुल परचुरेंचं निधन

“रसिक प्रेक्षकांना कधी खळखळून हसवणारे, कधी डोळ्यात आसू उभे करणारे. कधी अंतर्मुख करणारे अभिजात अभिनेते अतुल परचुरे यांचे अकाली निधन वेदनादायी आहे. अतुल परचुरे यांनी बालरंगभूमीपासू्नच आपली देदिप्यमान अभिनय कारकीर्द गाजवली. नाटक, चित्रपट, मालिका या तिन्ही क्षेत्रात त्यांनी आपला वेगळा ठसा उमटवला.तरुण तुर्क म्हातारे अर्क, नातीगोतीसारखी नाटकं असोत किंवा पु. ल. देशपांडे यांचा शाब्दिक, वाचिक विनोद असो, अतुल परचुरे यांनी आपल्या अंगभूत गुणांनी त्यात गहिरे रंग भरले.मराठी आणि हिंदी चित्रपटांमध्येही त्यांनी उत्तम व्यक्तिरेखा साकारल्या. त्यांच्या जाण्यामुळे मराठीतला एक अभिजात अभिनेता हरपला आहे. हे नुकसान भरुन येण्यासारखे नाही. परचुरे यांच्या हजारो चाहत्यांपैकी एक या नात्याने कुटुंबीयांच्या दु:खात मी सहभागी आहे. हे दु:ख सहन करण्याचं बळ ईश्वर त्यांना देवो. राज्य सरकारच्या वतीने मी त्यांना श्रध्दांजली वाहतो. ओम शांती."

 

 

“मराठी आणि हिंदी अशा दोन्ही सिनेसृष्टी गाजविणारे ज्येष्ठ अभिनेते अतुल परचुरे यांच्या निधनाची बातमी अत्यंत वेदनादायक आहे. आपल्या विनोदी भूमिकांमार्फत त्यांनी प्रेक्षकांच्या मनामध्ये आपली जागा निर्माण केली होती. त्यांच्या निधनाने सिनेमाजगत आणि नाट्यसृष्टीचे कधीही भरुन न निघणारे नुकसान झाले आहे. हे दु:ख सहन करण्याची शक्ती त्यांच्या कुटुंबियांना व चाहत्यांना लाभो, हीच ईश्वरचरणी प्रार्थना!”

 

 

“अतुल परचुरे याला नववीत असल्यापासून रंगभूमीवर काम करताना मी पाहिलं आहे. त्याच्या निधनामुळे रंगभूमीचं फार नुकसान झालं आहे. कर्करोगावर मात मिळवून पुन्हा तो अभिनयाकडे वळला होता. चाळीशीतले चोर हा चित्रपट केला आणि त्यानंतर आता सुर्याची पिल्ले हे नाटक देखील करणार होता. पण त्याचं जाणं ही अत्यंत दुर्दैवी घटना घडली आहे”.

 

 

“कर्करोगासारख्या मोठ्या आजारातून ते बरे झाले होते. लवकरच आपण एकत्र नाटक करु असं म्हणाले होते पण अचानक त्यांच्या निधनाची बातमी ऐकून मन सुन्न झालं आहे. एक उत्तम सहकलाकार, खवय्या आणि माणूस होते ते. जागो मोहन प्यारे म्हटलं की डोळ्यांसमोर त्यांचाच चेहरा येत आहे. खूप मोठं नुकसान झालं आहे आम्हा कलाकारांचं”.

 

 

“गेल्या काही दिवसांपासून आजारी होता अतुल दादा पण अचानक आपल्यातून निघून जाईल असं वाटलं नव्हतं. अजूनही तो आपल्यातून कायमचा निघून गेला आहे हे कटू सत्य पचत नाही आहे. पण एक हरहुन्नरी कलाकार निघून गेला याचं अत्यंत दु:ख आहे”.