रत्नागिरीत धर्मांधांकडून संचलन अडवण्याचा प्रयत्न; 'अल्ला हू अकबर'च्या दिल्या घोषणा

यावर्षी संघ शताब्दी वर्षाला सुरुवात झाली असून अनेक ठिकाणी मोठ्या प्रमाणात पथसंचलने होत आहेत. परंतु रत्नागिरीत निघालेल्या पथसंचलनावेळी काही धर्मांधांनी 'अल्ला हू अकबर'च्या घोषणा दिल्या. मिळालेल्या माहितीनुसार, रत्नागिरीतील कोकण नगर वस्तीत ४० टक्के मुस्लिम रहिवासी आहेत. यात काही जिहादी प्रवृत्तीचे असून याठिकाणी गोमांस तस्करी, ड्रग्सरॅकेटसारखे प्रकारही चालतात. संचलनाच्या दिवशी ३० ते ४० धर्मांधांनी रस्त्यावर येत संचलन अडवण्याचा प्रयत्न केला आणि त्यांनी अर्धा रस्ता अडवून धरला.

हा जाणीवपूर्वक रचलेला कट होता असा आरोप हिंदुत्ववादी संघटनांकडून सध्या होत आहे. याप्रकरणी सकल हिंदू समाजाचे कार्यकर्ते, सर्वसामान्य नागरिक असे एकूण ३०० जणं शहर पोलीस ठाण्यात रात्री ठिय्या मांडून होते. मध्यरात्री उशिरापर्यंत कारवाई प्रक्रिया सुरु होती. त्यानंतर आता पोलिसांनी कोकण नगर परिसरात घोषणाबाजी करणाऱ्यांपैकी ४ जणांना अटक केली आहे.