रामभक्तांसाठी अयोध्येत १३५ आरोग्य कर्मचारी सज्ज!

वैद्यकीय व आरोग्य विभागाचे संचालक (प्रशासन) डॉ.राजगणपित. आर. यांच्या वतीने फिजिशियन, बालरोगतज्ञ, शल्यचिकित्सक, ऑर्थोपेडिक सर्जन, भूलतज्ज्ञ, हृदयरोगतज्ज्ञ व महिला वैद्यकीय अधिकारी आदींना सज्ज ठेवण्यात आले आहे. गरजेनुसार संजय गांधी पीजीआय, केजीएमयू आणि डॉ. राम मनोहर लोहिया इन्स्टिट्यूट ऑफ मेडिकल सायन्सेसच्या तज्ज्ञ डॉक्टर्सनाही येथे तैनात केली जाणार आहे.

उत्तर प्रदेशचे उपमुख्यंत्री ब्रजेश पाठक यांनी अयोध्येतील लोकांना उच्चस्तरीय आरोग्य सेवा पुरवल्या जाव्यात, अशा कडक सूचना दिल्या आहेत. अयोध्येत तज्ज्ञ डॉक्टर्ससह ७० फार्मासिस्ट आणि ६५ वॉर्ड बॉय व चतुर्थ श्रेणी कर्मचाऱ्यांसह एकूण १३५ आरोग्य कर्मचारी सज्ज असणार आहेत. अयोध्येत सध्या ‘१०८ रूग्णवाहिका सेवा’ आणि ‘१०२ रूग्णवाहिका सेवा’ यांच्या एकूण ५९ रूग्णवाहिका कार्यरत आहेत. त्यामध्ये आणखी ५० रूग्णवाहिकांची वाढ करण्यात येणार असून ही संख्या १०९ पर्यंत वाढविण्यात येणार आहे.