वक्ता कार्यशाळेतून सावरकर विरोधाला छेद - सात्यकी सावरकर

पुणे : स्वातंत्र्यवीर सावरकरांवर आरोप करणारे एकेकाळी अधिक होते पण ही परिस्थिती आता बदललेली आहे. अशा कार्यशाळांमुळे सावरकर विरोधाला छेद देण्याचं काम घडेल, असे विधान पुण्यात आयोजित कार्यशाळेत सात्यकी सावरकर यांनी केले.तसेच अभ्यासपूर्ण वक्ते तयार करण्यासाठी आणि गावोगावी सावरकर विचार पोहोचवण्यासाठी ही कार्यशाळा महत्त्वाची असल्याचे ही सात्यकी सावरकर यांनी प्रतिपादन केले.

स्वातंत्र्यवीर सावरकर मुक्ती शताब्दी दिनानिमित्त हर घर सावरकर समिती, विवेक व्यासपीठ, सावरकर दर्शन प्रतिष्ठान आणि महाराष्ट्र शासनाच्या संयुक्त विद्यमाने दि.६ आणि ७ जानेवारी रोजी वक्ता प्रशिक्षण कार्यशाळेचे आयोजन करण्यात आले होते. यावेळी महाराष्ट्रभरातून ८० प्रशिक्षणार्थी पुण्यात सावरकर अध्यासनात '' हा विषय समजून घेण्यासाठी आले होते. यावेळी सावरकर कार्याचा प्रचार,प्रसारासाठी समितीकडून १० प्रशिक्षणार्थींचे विशेष पारितोषिकासाठी निवड करण्यात आली. यासह ८० प्रशिक्षणार्थींनी सावरकरांच्या विविध पैलूवरती आपल्या अभ्यासपूर्ण भाषणाचे सादरीकरण केले. या भाषणाचे परीक्षण डॉ. कल्याणी हार्डीकर, भाग्यश्री हर्षे, अंजली कर्वे, दिलीप पुरोहित, प्रिया साबडे-कुलकर्णी, स्नेहल लिमये, वृंदा नाईक, संजय वैशंपायन, विलास सावरिकर , सुरेश आबादे यांनी केले. या मान्यवर परीक्षकांच्या निवडीचे आणि नियोजनाची जबाबदारी विद्याधर नारगोलकर यांनी पार पाडली.

यावेळी समितीचे विद्याधर नारगोळकर ,यशवंत अकोलकर ,रोहन अंबिके, प्रशांत चव्हाण, देवव्रत बापट, अश्विनी कुलकर्णी, निखिल कुलकर्णी, ॲड. गौरी कुलकर्णी हे देखील उपस्थित होते. तरी कार्यशाळेच्या सांगता समारंभात सात्यकी सावरकर, आमदार विजय शिवतारे, रवींद्र साठे, माजी खासदार प्रदीपदादा रावते, सावरकर अभ्यासक अक्षय जोग, नगरसेविका माधुरीताई सहस्त्रबुद्धे आदी मान्यवर मंचावर उपस्थित होते. यावेळी बालकिर्तनकार अग्रणी साठे हीने सावरकर विचारांवर किर्तनाची एक झलक सादर केली. त्याचबरोबर शालेय विद्यार्थी मुकुंद धर्मावत आणि निनाद गोखले यांनी हिंदी आणि इंग्रजी भाषेत सावरकर विचार मांडले.

सचिन करडे, चिन्मय टिळक, सुप्रिम मस्कर, प्रांजल अक्कलकोटकर, अन्वी जाधव, भागवत मस्के, सीमा पाटील, सुप्रिया गव्हाणे, यश वैद्य, राजेंद्र सवाईकर ह्यांना विशेष पारितोषिकाने मान्यवरांच्या हस्ते सन्मानित करण्यात आले.

सावरकर विचार घराघरात पोहोचवणे हे आज काळाची गरज आहे आणि त्यासाठी महायुती सरकार काम करत आहे हे कौतुकास्पद आहे. नवीन पिढी घडवण्यासाठी आणि व्यक्तिमत्त्वाच्या दृष्टीने ही कार्यशाळा महत्त्वाची वाटते. हिंदुत्व टिकलं तर देश टिकेल आणि देश टिकला तर जग टिकेल. त्यामुळे सावरकरांचे विचार पोहोचवणे यापेक्षा ते रक्तात घुसवण्याचं काम इथल्या प्रशिक्षणार्थ्यांनी गावोगावी करावे.- विजय शिवतारे, माजी आमदार