राज्यात विविध ठिकाणी शिवसृष्टी, संग्रहालय व शिवकालीन थिम पार्क उभारण्यात येणार!

मुंबई : महाराष्ट्रात विविध ठिकाणी शिवसृष्टी, उद्यान, संग्रहालय व शिवकालीन थिम पार्क उभारण्यात येणार असल्याची घोषणा पर्यटन मंत्री मंगल प्रभात लोढा यांनी केली. यावेळी पत्रकार परिषदेत बोलताना मंत्री लोढा म्हणाले, शिवनेरी येथे छत्रपती शिवाजी महाराज बाल संस्कार संग्रहालय तसेच मुंबईतील गोराईमध्ये छत्रपती शिवाजी महाराज युद्ध कौशल्य संग्रहालय (वॉर म्युझिअम ) बांधण्यात येणार आहे. त्याचप्रमाणे, रामटेक येथे छत्रपती शिवाजी महाराज हिंदवी स्वराज्य संग्रहालय, भगूरमध्ये स्वातंत्र्यवीर विनायक दामोदर सावरकर थीम पार्क आणि छत्रपती संभाजी नगर येथे धर्मवीर छत्रपती संभाजी महाराज संग्रहालय राज्याच्या पर्यटन विभागाकडून उभारण्यात येणार आहे.