सागरी व्यापाराला मिळणार चालना; सरकारने लाँच केले 'सागर सेतू' मोबाईल अॅप
Total Views |
नवी दिल्ली : बंदरे, जहाजबांधणी आणि जलमार्ग मंत्री सर्बानंद सोनोवाल यांनी ३१ मार्च रोजी, नॅशनल लॉजिस्टिक पोर्टल मरीनचे 'सागर सेतू' मोबाईल अॅप लॉन्च केले. हा सागर सेतू, नॅशनल लॉजिस्टिक पोर्टल-मरीनचे मोबाइल अॅप EoDB (Easy of Bussiness Doing) साठी गेमचेंजर असेल. असे ट्विटरद्वारे माहिती देत सांगितले आहे.
सोनोवाल म्हणाले की, "अॅप सामान्यत: आयातदार, निर्यातदार यांच्या आवाक्यात नसलेल्या क्रियाकलापांची वास्तविक-वेळ माहिती प्रदान करेल. यामध्ये जहाजे, गेट्स, कंटेनर फ्रेट स्टेशन्स आणि व्यवहारांशी संबंधित माहिती समाविष्ट आहे."
सरकारी निवेदनानुसार, कंटेनर फ्रेट स्टेशन चार्जेस, शिपिंग लाइन चार्जेस, ट्रान्सपोर्टेशन चार्जेस इत्यादीसारख्या आयात आणि निर्यातीच्या क्लिअरन्स प्रक्रियेसाठी आवश्यक असलेल्या पेमेंटसाठी डिजिटल व्यवहार देखील सक्षम करते.
यावर, भारताचे पंतप्रधान नरेंद्र मोदी यांनी "पोर्ट-नेतृत्वाच्या विकासासाठी आणि व्यवसाय करण्याच्या सुलभतेची खात्री करण्यासाठी तंत्रज्ञानाचा लाभ घेतला जात असल्याचे पाहून आनंद झाला." असे म्हणत ट्विटरद्वारे आनंद व्यक्त केला आहे.
