मुंबई सेंट्रल हेरिटेज लॉनचा पुनर्विकास

15 Apr 2023 19:44:36

Redevelopment of Mumbai Central Heritage Lawn

मुंबई
: आपला वारसा जतन करण्यासाठी आणि भूतकाळातील आठवणींना उजाळा देण्याच्या आणखी एका उपक्रमात, पश्चिम रेल्वेने हेरिटेज स्टीम लोकोमोटिव्ह 'लिटल रेड हॉर्स' सह मुंबई सेंट्रल येथील हेरिटेज लॉनचा पुनर्विकास केला आहे. पश्चिम रेल्वे महिला कल्याण संस्था च्या अध्यक्षा क्षामा मिश्रा यांच्या हस्ते उद्यानाचे उद्घाटन करण्यात आले. यावेळी पश्चिम रेल्वेचे महाव्यवस्थापक अशोक कुमार मिश्रा, मुंबई मध्य विभागाचे विभागीय रेल्वे व्यवस्थापक नीरज वर्मा, विभागांचे प्रमुख आणि मुख्यालय व विभागाचे इतर वरिष्ठ अधिकारी उपस्थित होते.

येथे सुरू असलेल्या मेट्रो रेल्वेचे काम पूर्ण झाल्यानंतर पश्चिम रेल्वेच्या अभियांत्रिकी विभागाने या उद्यानाचा पुनर्विकास केला आहे. वाफेच्या लोकोमोटिव्हसाठी पॅडेस्टलसह गार्डनचे सौंदर्य वाढविण्यासाठी सुंदर लँडस्केपिंग आणि कुंपण केले गेले असल्याची माहिती पश्चिम रेल्वेकडून देण्यात आली आहे.

"लिटल रेड हॉर्स" हे स्टीम लोकोमोटिव्ह हे पूर्वीच्या BB&CI रेल्वेचे अभिमान होते. हे वाफेचे लोकोमोटिव्ह १९व्या आणि २०व्या शतकातील वाढ आणि आधुनिकतेचे प्रतीक आहे. हे लोकोमोटिव्ह १९२९ मध्ये इंग्लंडमधील मेसर्स केर स्टुअर्ट अँड कंपनीने तयार केले होते. ती आशियातील सर्वात जुनी नॅरो गेज लाईन मानली जाणारी दाभोई-मियागाम लाईन दरम्यान कार्यरत होती आणि प्रतापनगर कार्यशाळेत त्याची देखभाल केली जात होती. ६१ वर्षांच्या सेवेनंतर, मुंबई सेंट्रल स्टेशनच्या प्लॅटिनम ज्युबिली वर्षाच्या निमित्ताने १९९१ मध्ये मुंबई सेंट्रल स्टेशन परिसरात ते बंद करण्यात आले आणि ठेवण्यात आले.

पश्चिम रेल्वेच्या यांत्रिकी विभागाने अलीकडेच वाफेच्या इंजिनच्या जीर्णोद्धाराचे काम केले. त्याचे गंजलेले भाग पूर्णपणे दुरुस्त करण्यात आले होते आणि त्यास जुन्या वैभवात परत आणण्यासाठी सुंदर रंगवले गेले होते. त्याचे सौंदर्य आणखी वाढवण्यासाठी फॉगिंग मशिनचा वापर करून कृत्रिम वाफ तयार करणे आणि शिट्ट्या वाजविण्याचे व त्याच्या धावण्याच्या आवाजाचे रेकॉर्डिंग करण्याची व्यवस्था करण्यात आली आहे. तसेच, जीर्णोद्धाराचा एक भाग म्हणून, सर्व हेड लाइट्स, टेल लाइट्स आणि डोम लाइट्ससाठी स्थिर वीज पुरवठा देखील प्रदान करण्यात आला आहे. या लॉनच्या व्यतिरिक्त, अशोक स्तंभाच्या चिन्हासह मुंबई सेंट्रल स्थानकाच्या प्रवेशद्वारावरील उद्यानाचे सुशोभीकरण काचेचे आच्छादन आणि लँडस्केपिंगद्वारे करण्यात आले आहे.





Powered By Sangraha 9.0