आशिष शेलारांचा ठाकरेंवर घणाघात; म्हणाले, "कोकणच्या जीवावर राजकारण करणाऱ्यांची..."

 

विधानसभा निवडणुकांच्या निकालानंतर आशिष शेलार यांनी सोमवारी पत्रकार परिषद घेतली. ते म्हणाले की, "तीन राज्यांमध्ये भाजपला निर्विवाद यश मिळालं आहे. पंतप्रधान नरेंद्र मोदींच्या नेतृत्वात भाजपचे सरकार संपुर्ण देशातील गरिबांची, श्रमिकांची, महिला वर्गाची आणि युवकांनी सेवा करत आहेत. त्यामुळे भाजपला जनतेचा आशिर्वाद आहे, यावर आता पुन्हा शिक्कामोर्तब झाला आहे. यापुढे आमचा विकासाचा रथ यापेक्षाही जास्त गतीने काम करेल. लोकसभा निवडणुकीतही समस्त भारतवासीयांना आशिर्वाद आणि विश्वास हा पंतप्रधान मोदीजी आणि भाजपवरच राहील यात काही दुमत नाही."