भरत जाधव यांची ‘लंडनची मिसळ’

मुंबई : ‘ए बी इंटरनॅशनल’, ‘म्हाळसा एंटरटेनमेंट’ आणि ‘लंडन मिसळ लिमिटेड’ प्रस्तुत तसंच जालिंदर कुंभार दिग्दर्शित ’लंडन मिसळ’ हा चित्रपट दि. ८ डिसेंबरला प्रदर्शनासाठी सज्ज झाला आहे. भारतात तसेच लंडनमध्ये चित्रीत या चित्रपटाच्या माध्यमातून बर्‍याच वर्षांनी भरत जाधव एका मोठ्या अन् महत्त्वपूर्ण भूमिकेत पडद्यावर प्रेक्षकांचे मनोरंजन करताना दिसणार आहेत.

आपल्या बाबांचे स्वप्न पूर्ण करण्यासाठी त्यांना अनेक अडीअडचणींचा सामना करावा लागतो आणि त्यावेळी ज्या दिव्यातून त्यांना जावं लागतं, त्याची कथा म्हणजे ‘लंडन मिसळ.’ नाटक, अभिनय, संगीत, नृत्य, खळखळून हसवणारे विनोद आणि झणझणीत मिसळ याची जुगलबंदी आपल्याला या चित्रपटात अनुभवायला मिळणार आहे. चित्रपटात ऋतुजा बागवे, रितिका श्रोत्री, माधुरी पवार, गौरव मोरे, निखिल चव्हाण, ऋतुराज शिंदे आणि सुनील गोडबोले हे कलाकार प्रमुख भूमिकेत आहेत, तर भरत जाधव एका हटके भूमिकेत प्रेक्षकांचं निखळ मनोरंजन करताना दिसणार आहेत आणि ही प्रेक्षकांसाठी मोठी मेजवानी असेल.