पर्यावरणातील नवदुर्गा : आम्रपाली पडघन

जंगल क्षेत्रामध्ये पायी गस्त घालत शिकार, अवैध वृक्षतोड, वन्यप्राण्यांची तस्करी अशा अवैधपणे होणार्‍या गोष्टींना आळा घालण्यासाठी सतर्क असलेल्या वनविभागाच्या एक उत्तम महिला वनरक्षक. वनरक्षकाच्या भूमिकेत असल्या तरी त्या ‘स्नेक रेस्क्यू’ही करतात. विषारी आणि बिनविषारी अशा दोन्ही प्रकारच्या अनेक सापांचे त्यांनी रेस्क्यूही केले आहे. याबद्दल त्या स्थानिक समाजामध्ये जनजागृतीही करतात. त्याचबरोबर वन्यजीव छायाचित्रणाची आवड असलेल्या आम्रपाली यांनी पेंचमधील जवळजवळ ८५ प्रजातींची नोंदही केली आहे. त्यांच्या या कामासाठी २०२१ मध्ये ‘वनदुर्गा पुरस्कारा’ने त्यांना सन्मानित करण्यात आले आहे.