अमित शाहांचं मिशन मुंबई @150 हे ठाकरेंना धडा शिकवण्यासाठीच!

 

 

 

 

 

केंद्रीय गृहमंत्री अमित शाह यांचा मुंबई दौरा चांगलाच गाजला. निमित्त होते मुंबईतल्या गणपती बाप्पाच्या दर्शनाचं. गृहमंत्री अमित शहांनी या दौऱ्यात भाजप पदाधिकाऱ्यांना मुंबई महापालिकेची रणनिती दिली. केंद्र सरकारच्या सत्तेतील आणि पक्षातील क्रमांक दोनचे नेते म्हणजे अमित शाह... कधी नव्हे ते अमित शाह मुंबई महापालिकेसाठी आग्रही आहेत तितके ते यापूर्वी कधीच नव्हते. एखाद्या जखमी सिंहाप्रमाणे त्यांचा आजचा आवेश दिसला... अमित शाह म्हणाले, "शिवसेना फुटीला फक्त आणि फक्त उद्धव ठाकरेच कारणीभूत आहेत. २०१४मध्ये केवळ २ जागांसाठी ठाकरेंनी धोका दिला. राजकारणात धोका देणाऱ्यांना शिक्षा ही व्हायलाच हवी. धोका देणारे कधीही सामर्थ्यवान होऊ शकणार नाहीत. भाजपचा एक एक कार्यकर्ता रस्त्यावर उतरुन ही लढाई लढेल याची हीच ती वेळ आहे. भाजपच्या सन्मानासाठी एकत्र येण्याची आत्ताच गरज आहे.", असेही ते म्हणाले. उद्धव ठाकरेंकडून वारंवार २०१४च्या निवडणूकांचे दाखले दिले जातात.... २०१४मध्ये भाजपनं युती तोडली.