भाजपच्या दहीहंडीमुळे वरळीत विरोधकांचे थर गडगडले

भारतीय जनता पार्टी यावर्षी राज्यभरात ३७२ ठिकाणी गोविंदा आणि दहीहंडीचे कार्यक्रम करते आहे. मोठ्याप्रमाणात आम्ही टी शर्टचे वाटप, सराव शिबिरे आणि सर्वात महत्वाचे म्हणजे आमच्या गोविंदांना विमा कवच यास्गळ्यावर आम्ही मोठ्याप्रमाणावर काम करतोय. साहजिक आहे की युवकांचा ओढा हा मोदीजींच्या पाठीशीच आहे. युवकांचे नेतृत्वातील पहिले चॉईस हे नरेंद्र मोदी आहेत. म्हणून युवकांचा उत्साह वाढविणाऱ्या या सणाचे, साहसी खेळाचे आयोजन मोठ्या प्रमाणावर करण्याचे आम्ही ठरविले. त्यानुसार हा कार्यक्रम आम्ही जांबोरी मैदानावर करत आहोत. स्वाभाविक आहे ते केल्यामुळे आमच्या विरोधकांच्या पायाखालची वाळू घसरली आहे.

मुळात ते काय बोलता याच्याशी आमचा काही संबंध नाही. मुळात वरळी कोणाचा गड वगैरे मी मानत नाही. स्वतः आदित्य ठाकरे भाजपसोबतच्या युतीमध्ये भाजपच्या मतावर निवडून आले आहेत. त्यांना अजून सिद्ध करायचं आहे की पक्षच्या मतावर ते निवडून येऊ शकतात का? २०१४ला हे आम्ही सिद्ध केला आहे. २०१४ला मी स्वतः युतीविना निवडून येऊन हे सिद्ध केलं आहे. त्यामुळे हा गड त्यांचा नव्हेच ! त्या मतदारसंघाचे कधीकाळी नेतृत्व भाजपचे दत्ताजी राणे करत होते. ते त्याठिकाणहून मंत्री होते. आज गिरणगावात गिरणी कामगारांच्या प्रश्नांसाठी आम्ही आजही लढा देत आहोत. म्ह्णून त्या मतदारसंघात भाजपने कार्यक्रम करणे स्वाभाविक आहे. त्याचा त्रास उद्धव ठाकरेजिच्या पक्षाला होत असल्याने ते जर पोपटपंची करत असतील तर त्याला मी फारसं महत्व देत नाही.

दादरमध्ये दहीहंडी उत्सवाचे आयोजन हे प्रत्युत्तर नाही ती त्यांची पळापळ आहे. ती त्यांची धावपळ आहे. त्याचं कारण असं की, ज्या नावाने ते दादरमध्ये दहीहंडी लावत आहेत. 'निष्ठेची दहीहंडी' असं. उद्धव ठाकरेंच्या त्या निष्ठेची कार्यपद्धती ही प्रतिज्ञापत्र आणि शपथपत्र गोळा करून आहे. अख्या दादर विधानसभेत त्यांना साडेतील हजार प्रतिज्ञापत्र मिळाली आहे.वरळीच्या त्यात सर्वात शेवटचा नंबर आहे. २ हजार पण प्रतिज्ञापत्र आली नाही. मग तिथे निष्ठावान नसल्यामुळे दादरमध्ये निष्ठावान शोधण्यासाठी ते जरूर गेले असतील. संपूर्ण मुंबईत त्यांनी लक्षात ठेवावं भाजपची संख्या ऑनलाईन, व्हेरीफाईड सदस्य संख्या १७ लाख इतकी आहे. तुम्ही आमच्या जवळपासही नाहीत.

निष्ठावान म्हणजे कोण? हे सचिन अहिरांनी उत्तर दिलं आहे. आणि हे शिवसेनेचे निष्ठावान असतील आणि याआधारावर थर लागणार असतील तर आम्हीही तयार आहोत त्यांना प्रत्युत्तर द्यायला.