आव्हाड, ठाकरे साहेब विठ्ठलाकडून ५० लाख घेताय?

मग या परिसरात दिवाळी साजरी करण्यात आली. एकमेकांचं तोंड गोड करण्यात आलं. त्यानंतर मात्र गृहनिर्माण मंत्री जितेंद्र आव्हाड यांनी जागा हवी असेल तर दीड कोटी किमतीच्या जागेसाठी किमान ५० लाख रुपये भरावे लागतील अशी घोषणा केल्यावर क्षणार्धात त्या आनंदावर विरजण पडलंय. वर्षानुवर्ष ज्या पोलीस दलाची इमाने इतबारे सेवा केली, आयुष्य पोलीस सेवेत काढलं त्यापोटी पैसे मिळाले ते जेमतेम ३० लाख रुपये. आता हे ५० लाख रुपये भरायचे कसे असा प्रश्न या पोलिसांच्या कुटुंबियांसमोर उभा राहिला आहे. आधीच तुटपूंजा पगार, त्यातही कामाच्या तासांचं नियोजन नाही. कामाचा ताण, बरं त्यातून निवृत्त झालोच तरी घराचा प्रश्न कायम आहे. म्हणजे आयुष्यभर सेवा दिलेल्या पोलीसाला त्याच्याच हक्काचं घर देण्यासाठी बांधकामाची अर्धी किंमत त्यांच्याकडूनच वसुल करायची ही मानसिकता फक्त आणि फक्त महाविकास आघाडी सरकारचीच असू शकते.

या सगळ्या प्रकरणाचा कळस म्हणजे जितेंद्र आव्हाडांना याबद्दल पत्रकारांनी विचारलं तेव्हा त्यांच्या तोंडून खरं काय ते बाहेर आलंचं. आव्हाड म्हणतात, "शरद पवार आणि मुख्यमंत्री उद्धव ठाकरे यांच्या सूचनेनुसार अनेक वर्षे क्वार्टर्समध्ये राहणा-या पोलीसांना त्यांची घरे नावावर करण्याचा निर्णय सरकारने घेतला. त्यांची संख्या एकूण २२५० आहे. त्यांना बांधकाम खर्च द्यावा लागेल याची कल्पना आधीच देण्यात आली होती. जो अंदाजे खर्च दिला गेला आहे तो १ कोटी १० लाख रुपये इतका आहे. त्यात मार्ग काढावा म्हणून अर्ध्या किंमतीत त्यांना घर देण्याच ठरलं.

ते म्हणजे रुपये ५० लाख. ५० लाखाने जरी घर दिलं. तर महाराष्ट्र सरकारला साधारणत: ११०० ते १३०० कोटी रुपयांचा फटका बसतो. मी जेव्हा घराची ५० लाख इतकी किंमत घोषित केली तेव्हा मी स्पष्ट म्हटले होते कि, घराच्या किंमतीबाबत अंतिम निर्णय हा मुख्यमंत्री उद्धव ठाकरेंचाच असेल, असे म्हणत पोलीसांच्या घरांचा चेंडू हा मुख्यमंत्र्यांच्या कोर्टात टाकलायं.