रत्नागिरीतील नद्यांमधून १४०० पाणमांजरे आणि २४५ मगरींची नोंद

"पाणमांजर या सस्तन प्राण्याचा पुरेसा अभ्यास झालेला नाही. तसेच सागरी क्षेत्रात अधिवास असलेल्या मगरींची पुरेशी नोंद झालेली नाही. रत्नागिरी जिल्ह्यातील या प्रजातींच्या संख्येची आणि सद्यस्थिती सर्वसमावेशक आकडेवारी उपलब्ध नाही. त्यामुळे नव्या अहवालाच्या  आलेल्या माहितीनुसार आपण या दोन्ही प्रजातींचे अधिक अधिक चांगल्या रीतीने संरक्षण करू शकतो, अशी माहिती 'कांदळवन कक्षा'चे अपर प्रधान मुख्य वनसंरक्षक विरेंद्र तिवारी यांनी दिली. पाणमांजरांच्या अधिक सखोल अभ्यास करण्यासाठी 'मॅंग्रोव्ह फाऊंडेशन'मार्फत निधी उपलब्ध करून देण्यात आहोत. तसेच या प्रजातींची संख्या कमी होऊ न देण्यासाठी  किनारपट्टीच्या भागात राहणारे नागरिक आणि संशोधकांच्या मदतीने या जीवांच्या संरक्षणासाठी आमचे प्रयत्न केंद्रीत करू, असे त्यांनी सांगितले. शिवाय अशाच प्रकारचा अभ्यास मुंबई, ठाणे, पालघर आणि रायगड जिल्ह्याांमध्येही करण्यात येईल, असे नमूद केले. या संशोधनात सतीश पांडे, अंनत गोखले, राम मोने, राजकुमार पवार, सुधन्वा राजूरकर आणि राहुल लोणीकर यांचा सहभाग होता. 'कांदळवन हा इतर प्राण्यांना देखील सुरक्षित अधिवास देते, जे पाणमांजराच्या उदरनिर्वाहासाठी आवश्यक असते." असे संजय पांडे यांनी सांगितले.