महाविकास आघाडीला काटशह देत कसा यशस्वी झाला 'राणे पॅटर्न' ?

सिंधुदुर्ग जिल्हा बँकेवर भाजपने दणदणीत विजय मिळविला. सिंधुदुर्ग जिल्हा बँकेच्या या निवडणुकीमध्ये विद्यमान अध्यक्ष सतीश सावंत व विद्यमान उपाध्यक्ष सुरेश दळवी यांना पराभवाला सामोरे जावे लागले आहे. दुसरीकडे भाजपचे जिल्हाध्यक्ष राजन तेली यांना देखील पराभवाचा सामना करावा लागला. केंद्रीय मंत्री नारायण राणे हे विजय साजरा करण्यासाठी कोकणात दाखलही झाले.

आता जिल्हा बँकेची आर्थिक उलाढाल पाहूया. सिंधुदुर्ग जिल्ह्यासाठी सर्वोच्च जिल्हा मध्यवर्ती सहकारी बँक म्हणून कार्यरत आहे. सुरुवातीला अधिकृत भाग भांडवल १.२५ कोटी इतके मर्यादित होते परंतु सध्या बँकेचे अधिकृत भागभांडवल रु. ३० कोटींपर्यंत वाढले आहे. सिंधुदुर्गच्या एकूण लोकसंख्येपैकी जवळपास ४० टक्के पेक्षा जास्त नागरिक हे बँकेचे खातेदार आहेत.

बँकेची आर्थिक उलाढाल ही २५०० कोटींच्या घरात आहे.




निवडणुकीचे महत्व ओळखून महविकास आघडीतील नेते आणि राज्याचे उपमुख्यमंत्री अजित पवार यांनी देखील पश्चिम महाराष्ट्र सोडून आता कोकणातील जिल्हा बँकांच्या निवडणुकांकडे आपला मोर्चा वळवला होता. यावरून केंद्रीय मंत्री नारायण राणे यांनीही कोण अजित पवार? अशी प्रतिक्रिया दिली. तसेच या निवडणूक होईपर्यंत मी इथून हलणार नाही असेही वक्तव्य केले. यातूनच राणेंनी महाविकास आघाडीला सूचक संदेश दिला होता की ही निवडणूक भाजप पुरस्कृत पॅनेलचा जिंकणार हे एव्हाना महविकास आघडीच्या नेत्यांना कळून चुकले होते.

आता या बँकेवर भाजपची सत्ता असेल. त्यामुळेच नितेश राणेंवर कारवाई करून राणेंना या निवडणुकीपासून दूर ठेवता येईल का? ही रणनीती महाविकास आघडीनें कदाचित आखली असावी. मात्र आता भाजपच्या विजयाने हा प्रयत्न फोल ठरला. त्यामुळे आगामी स्थानिक स्वराज्य संस्थांच्या निवडणुकांमध्येंनी राणे फॅक्टर हा महाविकास आघाडी आणि शिवसेनेवर वरचढ ठरणार असे आपण या विजयांनंतर म्हणून शकतो.

सरकारी यंत्रणेचा गैरवापर, पोलिसी दडपशाही, सत्तेची अरेरावी, मतदारांनी सारे काही झुगारून लोकशाही निवडली. सिंधुदुर्ग जिल्हा बँक निवडणुकीत भाजपचा दणदणीत विजय! केंद्रीय मंत्री नारायणराव राणे, रवींद्र चव्हाण आणि सर्व भाजपा नेते, कार्यकर्ते, विजयी उमेदवारांचे मनःपूर्वक अभिनंदन, असे म्हणत देवेंद्र फडणवीस यांनीही या विजयाबद्दल प्रतिक्रीया दिली.