ऑनलाईन फसवणुकीपासून सावधान!!!

 

 

 

 

बँक कधीच तुम्हाला ‘अकाऊंट डिटेल्स’ विचारात नाही. पिन तर कधीच नाही. त्यामुळे जो कोणी तुम्हाला ही माहिती मागतो, तो नक्की भामटा आहे, हे लक्षात ठेवा. माहीत नसलेल्या व्यक्तीस ऑनलाईन पेमेंट करू नका. आजकाल कोणाला बँकेत जायचे नसते आणि सर्व व्यवहार घरून मोबाईल किंवा इंटरनेटद्वारेच करायचे असतात. इंटरनेट वापर करताना जर कुठे चूक झाली आणि आपला डेटा चोरीला गेला तर? त्यासाठी एक युक्ती आहे. ज्या अकाऊंटमधून इंटरनेट बँकिंगचे व्यवहार करायचे आहेत, त्या अकाऊंटमध्ये एक मर्यादित रक्कमच ठेवायची आणि ती रक्कम संपली की, तिथे पुन्हा रक्कम ट्रान्सफर करायची. म्हणजे आपले इतर सर्व अकाऊंट ‘रिस्क’पासून वाचवू शकतात.

 

 

 

 

 

सध्या आपण आर्थिक फसवणुकीबद्दल बरेच ऐकतो-वाचतो. इंटरनेट किंवा फोनचा वापर आपल्या आर्थिक व्यवहाराचा अविभाज्य हिस्सा झाला आहे. याचा फायदा घेऊन बदमाश मंडळी आपले आर्थिक नुकसान करू इच्छितात. म्हणून आज आपण ‘ऑनलाईन’ आर्थिक व्यवहार आणि संबंधित फसवणूक याबाबत आढावा घेणार आहोत.

 

 

 

 

 

आपल्या फोनमध्ये कुणीही अनोळखी माणसाने पाठवलेली अ‍ॅप्स ‘डाऊनलोड’ करू नका. लॉटरी लागली आहे, ‘इस्टेट’ द्यायची आहे, असे मेसेज, ई-मेल तत्काळ ‘डिलिट’ करा. अशा ठिकाणी चुकूनही छोटेही ‘पेमेंट’ करू नका. म्हणजे पुढे होऊ शकणार्‍या अपघातापासून बचाव. मोबाईल ‘चार्जिंग’बाबत सतर्क राहा. ‘चार्जिंग पोर्ट’चा उपयोग ‘डेटा’ चोरी करता होऊ शकतो. स्वतःची ‘पावरबँक’ ठेवणे हा त्यावरील उपाय.

 

 

 

 

 

जर मोबाईलला फार वेळ नेटवर्क नाही, असे आढळून आले तर लगेच मोबाईल सेवा देणार्‍या कंपनीकडे विचारणा करा. ‘डुप्लिकेट’ सीमकार्ड तर ‘इश्यू’ होत नाही ना, याची खात्री करून घ्या. गंमत म्हणून मोबाईलचे अ‍ॅप कुठून तरी ’डाऊनलोड’ करू नका.