मुंबईत २२५ कोरोनाबाधितांची नोंद

 

 

 

 

मुंबई : मुंबई महापालिका प्रशासनातर्फे जाहीर करण्यात आलेल्या आकडेवारीनुसार मंगळवार , दि. १४ डिसेंबर रोजी मुंबई शहरात २२५ नव्या कोरोनाबाधित रुग्णांची नोंद झाली. तर २०६ रुग्णांनी कोरोनावर मात केली आहे. मुंबईत आतापर्यंत कोरोनामुक्त झालेल्या रुग्णांची संख्या ७४४९९० वर पोहोचली आहे. शहरातील कोरोनाबाधितांचे बरे होण्याचे प्रमाण ९७ टक्के आहे.

 

 

मंगळवारी मुंबईत झालेल्या एका कोरोनाबाधिताच्या मृत्यूनंतर शहरातील एकूण मृतांची संख्या १६,३६० झाली असून शहरातील सक्रिय रुग्णांची संख्या १,७६९ इतकी आहे. रुग्ण दुपटीचा दर २,५६३ दिवसांवर जाऊन ठेपला आहे. शहरातील एकूण १५ इमारतींना महापालिका प्रशासनातर्फे सील करण्यात आले आहे, अशी माहिती महापालिका प्रशासनातर्फे देण्यात आली आहे.