सागरी जैवविविधतेच्या संवर्धनासाठी राज्यात 'मरिन सेंटर ऑफ एक्सलन्स'

विभागीय अधिकारी (कांदळवन कक्ष उत्तर कोकण) दिपक खाडे आणि विभागीय अधिकारी (कांदळवन कक्ष दक्षिण कोकण) कांचन पवार उपस्थित होत्या. 'मरिन सेंटर आॅफ एक्सलन्स'चे कामकाज हे 'कांदळवन कक्षा'अंतर्गतच करण्यात येणार असून ऐरोली येथील 'सागरी आणि किनारी जैवविविधता केंद्रा'तून यासंबंधीचे कामकाज होईल अशी माहिती एस.व्ही.रामाराव यांनी दै. 'मुंबई तरुण भारत'शी बोलताना दिली.

 

 

या बैठकीच्या सुरुवातीस एस.व्ही.रामाराव यांनी 'कांदळवन कक्ष' आणि 'कांदळवन प्रतिष्ठाना'मार्फत सुरू असणाऱ्या कामाची मांडणी केली. त्यानंतर ज्येष्ठ सागरी संशोधक आणि 'सृष्टी काॅन्झर्वेशन फाऊंडेशन'चे संचालक डाॅ. दिपक आपटे यांनी का खोल समुद्रात जैवविविधतेच्या नोंदी, सागरी जीवांच्या वर्गीकरणासाठी आवश्यक असणारे तज्त्र, स्थलांतरित पक्ष्यांचे अधिवास, दलदलीच्या जमिनीचे संवर्धन, खासगी क्षेत्रावर वाढणारे कांदळवन यासंबंधीच्या सूचना मांडल्या. तर 'डब्लूआयआय'चे वरिष्ठ शास्त्रज्ञ डाॅ. सुरेश कुमार यांनी सागरी कासव संवर्धनासंबंधीच्या सूचना मांडत असताना किनाऱ्यावर होणाऱ्या कासवांच्या घरट्यांपैकी २० टक्के घरटी ही इन-सेतू पद्धतीने जागच्या जागी संवर्धित करणे गरजेचे असल्याचे सांगितले. 'डब्लूसीएस-इंडिया'च्या सागरी प्रकल्पाचे प्रमुख डॉ. अॅरन लोबो यांनी समाजभिमुख आधारित संवर्धनाच्या कामाबाबतच्या सूचना दिल्या. याशिवाय 'एनआयओ'चे डाॅ. कल्याण डे, 'आयआयएसईआर'चे पुण्यश्लोके बहादूरी, 'सीएसआयआर'चे डाॅ. मणिकंदन, 'आयआयएससी'चे टाइटस इमैनुएल, 'एनसीएफ'चे रोहन आर्थर आणि 'बीएनएचएस'च्या रेश्मा पितळे यांनी देखील आपल्या सूचना मांडल्या.