छत्रपती संभाजीनगरमध्ये उबाठा गटाला खिंडार! शहरप्रमुखांसह अनेक पदाधिकाऱ्यांचा भाजपमध्ये प्रवेश

 

 

मुंबई : छत्रपती संभाजीनगरमध्ये उबाठा गटाला मोठे खिंडार पडले असून मंगळवार, २१ जानेवारी रोजी शहरप्रमुखांसह अनेक पदाधिकारी आणि कार्यकर्त्यांनी भाजपमध्ये प्रवेश केला.

 

महसूलमंत्री तथा भाजप प्रदेशाध्यक्ष चंद्रशेखर बावनकुळे यांच्या प्रमुख उपस्थितीत मुंबई येथील भाजप पक्ष कार्यालयात हा पक्षप्रवेश सोहळा पार पडला. ओबीसी विभागाचे मंत्री अतुल सावे यांच्या नेतृत्वाखाली उद्धव ठाकरे गटाचे शहरप्रमुख विश्वनाथ स्वामी यांच्यासह अनेक पदाधिकारी आणि शिवसैनिकांनी भाजपमध्ये प्रवेश केला. यावेळी माजी केंद्रीय मंत्री डॉ. भागवत कराड, शिरिष बारोळकर, संजय कौडगे आदी उपस्थित होते.

 

 

याप्रसंगी उपजिल्हाप्रमुख शिवा लुगांरे, माजी नगरसेवक प्रसाद अत्तरदे, ज्येष्ठ शिवसैनिक राजु खरे, विभागप्रमुख सुगाम देहाडे, विभागप्रमुख नागनाथ स्वामी, शाखाप्रमुख रोहिदास पवार, उपविभाग प्रमुख प्रकाश हांडे, उपशाखा प्रमुख शिवशंकर स्वामी, गटप्रमुख मनोहर विखणकर, अजिंक्य देसाई, पंतु जाधव, मनोज नर्बदे, अनंत वराडे, वसंत देशमुख, सुभाष नेमाने, रमेश गल्हाटे, गौतम भारस्कर, विठ्ठल सोनावणे, तुकाराम घोडजकर, रवी बनकर, युवासेना उपशहरप्रमुख रोहित स्वामी, उपशाखाप्रमुख राहुल पाटील, उपशाखा प्रमुख योगेश चौधरी, गट प्रमुख बाबू स्वामी, आकाश बिडवे, निखिल पडूळ, चैतन्य जोशी, ऋषिकेश भालेराव, तुषार पाथ्रीकर, मयुरेश जाधव, रोहन स्वामनी, सूर्यकांत मानकापे, आयुष शेडगे, सर्वज्ञ पोफळे आदी युवासैनिकांनी भाजपमध्ये प्रवेश केला.