...तर कोल्हापुरी पायताणाने त्यांचे स्वागत करू!

शिवशंभू विचार मंच छत्रपती शिवाजी महाराजांचा वैचारिक वारसा पुढे नेण्याचे कार्य करत आहे. छत्रपती शिवरायांच्या पदस्पर्शाने पावन झालेले गड किल्ले हा तमाम शिवभक्तासाठी आस्थेचा, श्रद्धेचा विषय आहे. आपल्या श्रद्धा, परंपरा, संस्कृती, वारसा यांचा आदर करण्याचा व रक्षण करण्याचा घटनादत्त अधिकार आपल्याला लाभला आहे. या भावनेने तमाम शिवभक्त विशाळगड मुक्तीसंग्रामाशी जोडला गेलेला आहे. आज विशाळगडावरून राजकीय पक्ष मूळ मुद्द्याला बगल देऊन अन्य विषयावरून एकमेकांवर आरोप-प्रत्यारोप करून राजकीय फायदा घेताना दिसत आहेत. त्या सगळ्यांना एकच सांगणे आहे की, मुळ मुद्द्याला कोणीही बगल देऊ नका. विशालगडावर अनधिकृत बांधकाम झालेले आहे, तसेच त्या अनधिकृत बांधकामाच्या ठिकाणी यासीन भटकळ या बॉम्बस्फ़ोटतील आरोपीला आश्रय देण्यात आलेला होता. हे केवळ एखाद्या किल्ल्यावरील अतिक्रमण नसून देशाच्या आस्थेवर, वारशावर, परंपरेवर, देशाच्या सार्वभौमत्वावर असलेलं अतिक्रमण नव्हे नव्हे आक्रमण आहे. त्यामुळे विशालगड या अतिक्रमणातून मुक्त झालाच पाहिजे पण त्याचबरोबर सर्व ऐतिहासिक वारसा असलेल्या ठिकाणांवरील अतिक्रमण हे हटवले गेलेच पाहिजेत. या परिस्थितीत राजकीय हेतूने आंदोलन करणाऱ्या एमआयएमने आपण राष्ट्रद्रोह्यांच्या बाजूने आहोत की राष्ट्रभक्तांच्या बाजूने आहोत हे स्पष्ट करणे गरजेचे आहे. एमआयएम ने हे पण लक्षात ठेवावे की, मूठभर मावळ्यांना सोबत घेऊन खंडिभर गनिमांचा बिमोड करणाऱ्या छत्रपती शिवरायांचेच आम्ही वारसदार आहोत. कितीही संघर्ष करावा लागला तरी मैदानात पाय रोवून सर्व किल्ल्याना लँड जिहाद मधून मुक्त केल्याशिवाय शिवभक्त थांबणार नाही.

- अभयराजे जगताप, कोकण प्रांत संयोजक, शिवशंभू विचार मंच