१८ वर्षांत २१ वेळा बदल्या, आता असंघटित कामगार विभागात विकास आयुक्त!

मुंबई :     भारतीय प्रशासकीय सेवेतील (आयएएस) अधिकारी तुकाराम मुंढे यांची पुन्हा बदली करण्यात आली आहे. त्यांच्या १८ वर्षांच्या प्रशासकीय सेवेतील ही २१ वी बदली आहे. ते आता असंघटित कामगार विभागात विकास आयुक्त म्हणून काम पाहतील. अप्पर मुख्य सचिव नितीन गद्रे यांनी तुकाराम मुंढे यांच्या बदलीचे आदेश जारी केले आहेत. गेल्यावर्षी जुलै महिन्यात त्यांची पशुसंवर्धन आणि दुग्ध विकास सचिव पदावर पदावर नियुक्ती करण्यात आली होती. त्यास वर्ष पूर्ण होण्याआधी पुन्हा बदली करण्यात आली. त्यांच्या जागी राजेश कुमार यांना नियुक्ती देण्यात आली आहे.