भारत हिंदूराष्ट्र झाला तर भारताची अवस्था अफगाणिस्तान आणि पाकिस्तानसारखी होईल : यतिंद्र सिद्धरामय्या
Total Views |
मुंबई (विशेष प्रतिनिधी) : (Yathindra Siddaramaiah) "भारत हिंदूराष्ट्र झाला तर भारताची अवस्था अफगाणिस्तान आणि पाकिस्तानसारखी होईल,", असे वादग्रस्त वक्यव्य कर्नाटकचे मुख्यमंत्री सिद्धरामय्या यांचे पुत्र यतिंद्र सिद्धरामय्या यांनी केले आहे. भारताला हिंदू राष्ट्र बनवण्याच्या मागणीला त्यांनी एकाअर्थी विरोध दर्शविला आहे.
हे वाचलंत का? : सनातन हिंदू एकता यात्रेत दिग्विजय सिंहच्या मुलाचा सहभाग
यतींद्र सिद्धरामय्या म्हणाले की, भारताला एकाच धर्माचे राष्ट्र बनवण्याचे प्रयत्न सुरू आहेत. आपण हे होऊ देऊ नये. भारत हा विविध जाती, धर्म आणि संस्कृतींचा देश आहे. पण काही लोक याला हिंदूराष्ट्र बनवण्याचा प्रयत्न करत आहेत. हे केवळ राजकीय फायद्यासाठी होत आहे. जोपर्यंत आंबेडकरांचे संविधान अस्तित्वात आहे तोपर्यंत हिंदू राष्ट्राची निर्मिती अशक्य आहे. देशाच्या राज्यघटनेने प्रत्येकाच्या हक्कांचे आणि स्वातंत्र्याचे रक्षण केले आहे. भारताला एका धर्माचे राष्ट्र बनवणे अत्यंत धोकादायक आहे. यामध्ये आपण कोणालाही अडकू देऊ नये. तथापि, आपण कोणालाही निराश होऊ देऊ नये.
पुढे ते म्हणाले की, सार्वजनिक ठिकाणी शांततेने जगायचे असेल तर संविधानाचे रक्षण करावे लागेल. भारत हा विविधतेत एकतेचा संदेश देणारा देश आहे. येथे अनेक जाती धर्माचे लोक राहतात. हीच भारताची ताकद आहे. हा देश एकाच समाजाचा बनवायचा असेल तर हा देश टिकू शकत नाही. धर्मनिरपेक्षता त्याच्या डीएनएमध्ये आहे. आपल्या राज्यघटनेच्या निर्मात्यांनी आपला देश धर्मनिरपेक्ष देश बनवला आहे.