दुर्गापूजेच्या मंडपात समाजकंटकांनी महिला भाविकांशी केले गैरवर्तन
कट्टरपंथींचा उन्माद सुरूच
Total Views |
_202410071500129467_H@@IGHT_420_W@@IDTH_696.jpg "Hindu")
बलरामपूर : उत्तर प्रदेशातील बलरामपूर जिल्ह्यात इस्लामिक कट्टरवाद्यांच्या जमावाने दुर्गापूजेवेळी मंडपात घुसून गोंधळ घातल्याची घटना घडली आहे. आरोपी कलीम, अरबाज, इम्रान आणि मुख्तार यांचा समावेश असून त्यांनी महिला भाविकांशी गैरवर्तन केले. यावेळी दुर्गापूजेच्या मंडपात लावलेला भगवा ध्वज फाडून दबाव आणला गेला असून ही घटना ५ ऑक्टोंबर रोजी घडली आहे.
प्रसारमाध्यमानुसार, ही घटना बलरामपूर जिल्ह्यात रेहरा बाजार पोलीस ठाणे हद्दीतील आहे. याप्रकरणाची गावकऱ्यांनी तक्रार केली आहे. दरवर्षीप्रमाणे यंदाच्या वर्षीही ते मंदिरात शारदीय नवरात्रौत्सवाचे आयोजन करत होते. तेव्हा आरोपी कलीम, अरबाज, इम्रान आणि मुख्तार यांनी कट रचण्याचा प्रयत्न केला होता.
शनिवारी चार आरोपींनी दुर्गापूजेच्या मंडपात पोहोचून भगवा ध्वज फाडून नाल्यात फेकून दिला. यानंतर विजेचा खांब तोडल्याचा उन्माद करण्यात आला होता. तेव्हा जनरेटरची तार तोडण्यात आली होती आणि यामुळे भजन बंद पाडण्यात आल्याचे सांगितले. यावेळी भाविकांनी याप्रकरणात मध्यस्ती केली आणि विरोध दर्शवला तर त्यांना जीवे मारण्याची धमकी देण्यात आली होती.
याप्रकरणी आता सर्व आरोपींवर कडक कारवाई करण्याची मागणी तक्रारदारांनी केली आहे. यावेळी तक्रारीत लिहिले की, पोलिसांनी अरबाज, कलीम, इम्रान आणि मुख्तार यांच्याविरूद्ध एफआरआय दखल करण्यात आला. तेव्हा चारही आरोपींना रविवारी ६ ऑक्टोबर रोजी अटक करण्यात आली असून याप्रकरणात पुढील कायदेशीर कारवाई करण्यात येत आहे.
