देवेंद्र ऐकताय ना?

या वयात खोटे बोलू नये म्हणाले देवेंद्र फडणवीस. बाबा, अहो बाबा, ऐकताय ना? नका बोलू काही. आपण काही बोलतो आणि मग काही काळाने त्या म्हणण्याचे उत्तर व्याजासकट आपल्याला मिळते. मी पण म्हणाले होते, अकेला देवेंद्र क्या करेगा? त्यानंतर बघताय ना बाबा? क्या से क्या हुआ? तुमचा नवा पुतण्या आणि त्याचा उजवा की डावा हात सारखे म्हणायचे ते म्हणजे महाराष्ट्र आणि मराठी माणूस. वर्षोनुवर्ष हेच चालले होते. पण, देवेंद्र म्हणाले तुम्ही म्हणजे महाराष्ट्र नाही आणि तुम्ही म्हणजे मुंबईही नाही. त्यानंतर खरच तुमच्या नव्या पुतण्याला आणि त्यांच्या डाव्या उजव्या हातालाही कळून चुकले की, खरेच ते म्हणजे महाराष्ट्र नाही आणि मराठी माणूस म्हणजेही ते नाहीत. बाबा लोकसभा निवडणुकीमध्ये तुम्ही आजारी पडलात म्हणजे तसे लोकांना दिसले. लोकांनी आपल्याला सहानुभूती दिली. तेव्हा कुठे आपली तुतारी वाजली बाबा. मागे पावसात भिजलात. लोक पण काय ना बाबा, हजारो छत्रीचे कारखाने विकत घेणारे किंवा लाखो लोकांना एकाच वेळी छत्री घेऊन उभे करणारे किंवा तुम्ही पावसाने भिजू नये म्हणून चांदीचेही छप्पर टाकणारी माणसे आपल्याकडे आहेत. आपणही हे सगळे करू शकत होतो म्हणा. पण, तरीही तुम्ही पावसात भिजलात आणि लोकांना पुन्हा सहानुभूती वाटली. अरेरे इतका वयोवृद्ध माणूस पावसात भिजला. दुसरीकडे तुमच्या नव्या पुतण्याने पण, मला मच्छर मारता येत नव्हते म्हणून लोकांची सहानुभूती मिळवलीच होती. सांगा ना बाबा, आता काय प्लॅन आहे? काय म्हणता? मी माझ्या मुलीला कोणतेच पद दिले नाही असे म्हणून तुम्ही सहानुभूती मिळवणार आहात? बाबा हे बेस्ट राहील. अरे पण हे कोण बोलले की, आता सहानुभूती मिळणार नाही. कारण, तुम्ही मला एकरात करोडो रूपयाची वांगी पिकवायचे सिक्रेट दिले, खासदार की दिली आणि हा पक्ष माझ्या बापाचा आहे असे बोलून कार्यकर्त्यांवर तोंडसुख घ्यायचे अधिकार पण दिले? कल्पवृक्ष कन्येसाठी तसे सत्ताकारण कन्येसाठी केले? लेकीला कोणतेच पद दिले नाही, असे तुम्ही खोटे बोलता असे लोक म्हणत आहेत. काय म्हणता बाबा? देवेंद्र यांनी कितीही म्हटले या वयात खोटे बोलू नये, तरी तुम्ही ते बोलण्याचा घेतला वसा टाकणार नाहीत? काय म्हणता बाबा आदत से मजबूर? देवेंद्र ऐकताय ना? ते आदत से मजबूर आहेत.