सह्याद्रीचा ‘इकोलॉजिस्ट’

कोकणातील खासगी मालकीच्या जंगलातील आणि देवराईंमधील जैवविविधतेची सविस्तर नोंदणी करणे, त्यासंबंधीचा विस्तृत अहवाल तयार करणे, कॅमेरा ट्रेपिंगच्या माध्यमातून सस्तन प्राण्यांच्या नोंद करणे अशी कामे त्याने या काळात केली. याशिवाय 2017 साली त्याने शिराळा तालुक्यात समविचारी लोकांच्या मदतीने ‘प्लॅनेट अर्थ फाऊंडेशन’ नावाने एक संस्था देखील स्थापन केली. घाटमाथ्यावर वन्यजीव संशोधन आणि संवर्धनाचे काम करण्यासाठी व्यासपीठ निर्माण होणाच्या दृष्टीने या फाऊंडेशनची स्थापना करण्यात आली होती. देवरूखमधील कामातून आकाशला स्थानिक पातळीवर तळागाळात काम करण्याचा अनुभव मिळत होता. परंतु, वन्यजीवविषयक शास्त्रीय आणि तांत्रिकदृष्ट्या आवश्यक असलेल्या ज्ञानाचा अभाव जाणवत होता. हे ज्ञान शिक्षणातूनच मिळेल, याची त्याला खात्री होती. त्यामुळे 2019 साली देवरूखयेथील नोकरी सोडून त्याने पुन्हा पुणे गाठले आणि गरवारे महाविद्यालयात जैवविविधता विषयात पदव्युत्तर पदवीच्या अभ्यासाला सुरूवात केली.