मोठी बातमी! अधिकारी समीर वानखेडे विधानसभेच्या रिंगणात?

 

मुंबई : सर्वत्र विधानसभेच्या निवडणूकीची धामधूम सुरु असतानाच महाराष्ट्राच्या राजकीय वर्तुळातून एक मोठी बातमी समोर येत आहे. आरआरएस अधिकारी समीर वानखेडे हे विधानसभा निवडणूक लढवणार असल्याचे सांगण्यात येत आहे.

 

सुत्रांनी दिलेल्या माहितीनुसार, समीर वानखेडे लवकरच राजीनामा देऊन राजकारणात एन्ट्री घेणार आहेत. ते शिवसेनेतून आपल्या राजकीय प्रवासाची सुरुवात करणार असल्याचेही सांगण्यात येत आहे. समीर वानखेडे शिवसेनेत प्रवेश करणार असून त्यांना धारावी विधानसभा मतदारसंघातून उमेदवारी मिळण्याची शक्यता वर्तवली जात आहे.

 

 

धारावी विधानसभा मतदारसंघातून काँग्रेसच्या वर्षा गायकवाड आमदार होत्या. परंतू, त्यांनी लोकसभा निवडणूकीत विजय मिळवल्याने त्यांची जागा रिक्त आहे. दरम्यान, या जागेवर काँग्रेस कुणाला उमेदवारी देणार याबाबत अद्याप जाहीर करण्यात आले नाही. मात्र, धारावीमध्ये समीर वानखेडे हे महायूतीचे उमेदवार असण्याची शक्यता वर्तवण्यात येत आहे. याबाबत अद्याप अधिकृत माहिती आलेली नसून राजकीय वर्तुळात त्यांच्या उमेदवारीबाबत चर्चा सुरु आहे. समीर वानखेडे हे अभिनेता शाहरुख खानचा मुलगा आर्यन खान ड्रग्ज प्रकरणात चर्चेत आले होते.