मीरारोड बाईक रॅलीवर हल्ला; नितेश राणे म्हणाले, 'चुन चुन के मारेंगे'

मुंबई : महाराष्ट्राची राजधानी मुंबईजवळील मीरा रोड परिसरात दि.२१ जानेवारी रोजी रात्री उशिरा हल्लेखोरांनी गोंधळ घातला. ज्या वाहनांवर श्री राम नावाचे झेंडे लावण्यात आले होते त्यांच्यावर दगडफेक करण्यात आली. हल्लेखोरांनी केलेल्या गोंधळामुळे परिसरात तणावाचे वातावरण आहे. तोडफोड करताना हल्लेखोरांनी रस्त्यावर ‘अल्ला हु अकबर’च्या घोषणा दिल्याचे बोलले जात आहे. या गोंधळाचे अनेक व्हिडिओही समोर आले आहेत. दरम्यान या घटनेबद्दल भाजप आमदार नितेश राणे म्हणाले की, 'काल रात्री मीरारोडमध्ये जे झाले. एक लक्षात ठेवा, चुन चुन के मारेंगे'

 

एका वृत्तसंस्थेने दिलेल्या माहितीनुसार, रविवारी रात्री उशिरा मीरा रोडच्या नया नगर भागात दोन गटांनी रॅली काढली, ज्यामध्ये किरकोळ हाणामारी झाली. मीरा भाईंदर-वसई विरार (MBVV) पोलिसांनी हा वाद यशस्वीपणे सोडवला. या वादामुळे तणावाचे वातावरण पसरले कारण दि. २२ जानेवारी रोजी अयोध्येत राम मंदिरात प्राणप्रतिष्ठा सोहळा होणार होता. यावेळी घोषणाबाजीही करण्यात आल्याचे सांगण्यात आले.

 

डीसीपी (झोन 1) जयंत बजबळ यांच्या म्हणण्यानुसार, एका छोट्याशा गोष्टीवरून हाणामारी झाली, याशिवाय येथे कोणतीही मोठी समस्या उद्भवली नाही. त्यांनी लोकांना अफवांवर लक्ष न देण्याची विनंती केली आहे आणि लोकांना आश्वासन दिले आहे की या घटनेच्या संदर्भात कोणतीही जातीय हिंसाचाराची नोंद झाली नाही. प्रकरणाचे गांभीर्य लक्षात घेऊन कोणत्याही प्रकारचा वाद होऊ नये यासाठी पोलीस बंदोबस्त तैनात करण्यात आला आहे. अफवा लक्षात घेऊन ही तैनातीही करण्यात आली आहे.याप्रकरणी पोलिसांनी तपासाचे आदेश दिले आहेत. तपासाच्या आधारेच पुढील कारवाई केली जाईल. अयोध्येत राम मंदिराच्या उद्घाटनावेळी होणारे कार्यक्रम शांततेत पार पाडण्यासाठी अधिकारी सतर्क आहेत. पोलिस सर्वत्र लक्ष ठेवून आहेत.