सोलापुरात राज्यातील पहिलेच माळढोक प्रजनन केंद्र

राजस्थानमध्ये हा प्रजनन प्रकल्प पर्यावरण, वन आमि हवामान बदल मंत्रालय, भारतीय वन्यजीव संस्था आणि राजस्थान वनविभाग यांच्या समन्वयातुन हा प्रकल्प राबविण्यात आला होता. यामध्ये नेसर्गिक अधिवासातील अंडी आणुन बंद अधिवासात या पिल्लांचा जन्म झाला. यामधुन सोर्स पॉप्युलेशन तयार केले गेले असुन यातुन निर्माण होणारी पिढी ही बंद अधिवासात जन्मलेली पहिली पिढी असणार आहे. राजस्थानकडुन महाराष्ट्रासह गुजरात आणि कर्नाटक राज्यांना पिल्ले दिली जाणार असल्याची प्राथमिक माहिती आहे. अधिवासातील सुधारणा आणि बंद अधिवासातील यशस्वी प्रजनन करण्यासाठी हे अत्यंत महत्त्वाचे ठरणार आहे.

माळढोक पक्ष्यांची पिल्ले चार वर्षांच्या कालावधीनंतर प्रजननासाठी सक्षम होतात. त्यामुळे सर्व प्रक्रिया पाहता हे प्रजनन केंद्र सुरू होण्यासाठी पाच वर्षांपेक्षा जास्त कालावधी लागणार आहे. नष्ट होण्याच्या उंबरठ्यावर असलेला माळढोक या दुर्मिळ पक्ष्याला संवर्धनाची असलेली गरज पहाता वनविभागाने यासाठी बीएनएचएसकडुन मदत मागितली असली तरी त्यावर अद्याप त्यावर शिक्कामोर्तब झालेले नाही.