'राजू' निघाला चार मुलांचा बाप असलेला 'सिराज'; भिवंडीत लव्ह जिहादचा धक्कादायक प्रकार उघड
Total Views |
_202308271708450109_H@@IGHT_350_W@@IDTH_696.jpg "LOVE JIHAD")
मुंबई : भिवंडीतून लव्ह जिहादचे नवीन प्रकरण समोर आले आहे. या प्रकरणी आरोपी सिराज याने प्रथम या महिलेशी फेसबूकच्या माध्यमातून मैत्री केली. सिराजने महिलेला आपले नाव 'राजू' सांगितले होते. यानंतर सिराजने महिलेशी हिंदू परंपरेनुसार विवाह केला. काही दिवसांनंतर त्याने मुस्लिम म्हणून आपली खरी ओळख उघड केली आणि महिलेला इस्लाम धर्म स्वीकारायला लावला.
नवभारत टाइम्सच्या वृत्तानुसार, या प्रकरणी भिवंडी पोलिसांनी सांगितले की, “सिराज नावाच्या मुस्लिम तरुणाने हिंदू असल्याचे भासवून हिंदू रितीरिवाजांनुसार विवाहित महिलेशी पहिले लग्न केले. काही दिवसांनी त्याने आपली खरी ओळख सांगितली आणि महिलेचे धर्मांतर करून घेतले. यानंतर त्याने तिच्याशी लग्न केले. नंतर तिला घटस्फोट दिला."
मात्र, या प्रकरणी भिवंडी पोलिसांनी आरोपी सिराजविरुद्ध एफआयआर नोंदवून त्याला अटक केली आहे. आणि महिलेच्या म्हणण्यानुसार, इतर आरोपींवर कोणतीही कारवाई झालेली नाही. या प्रकरणात सिराजने पीडितेपासून आपली ओळख तर लपवलीच पण तो आधीच विवाहित आणि चार मुलांचा बाप असल्याचेही महिलेपासून लपवून ठेवले.
वृत्तानुसार, पोलिसांनी सांगितले की भिवंडीतील एका हिंदू मुलीचे २०१२ मध्ये उत्तर प्रदेशातील रायबरेली येथे लग्न झाले होते, तिने एका मुलीलाही जन्म दिला होता. परंतु, पती-पत्नीमधील मतभेदामुळे ही महिला २०१८ मध्ये मुलासह भिवंडीत आली आणि कशेळी येथे भाड्याच्या घरात राहू लागली.
या महिलेला २०१९ मध्ये फेसबुकवर राजू नावाच्या मुलाकडून फ्रेंड रिक्वेस्ट आली होती. येथूनच तिची राजूशी मैत्री झाली. महिलेचे मूल अनेकदा आजारी असायचे. राजूने त्याला दर्ग्यात प्रार्थना करण्याचा सल्ला दिला. राजूने महिलेला आपली खोटी ओळख पटवून गैबीनगर येथे हॉटेल असल्याचे सांगितले.
महिलेची परिस्थिती जाणून घेतल्यानंतर तो तिला आर्थिक मदत करत जवळ आला आणि त्याने तिच्यासमोर लग्नाचा प्रस्ताव ठेवला. दुसरीकडे, राजूने आपल्या ७ वर्षांच्या मुलीची आयुष्यभर काळजी घेण्याचे आश्वासन दिल्याचे महिलेने आपल्या तक्रारीत पोलिसांना सांगितले. आणि जानेवारी २०२० मध्ये तो तिला गुंजन लॉजमध्ये घेऊन गेला आणि तिच्याशी जबरदस्तीने शारीरिक संबंध ठेवले.
२६ जानेवारी २०२० रोजी धामणकर नाक्याजवळील एका इमारतीत हिंदू रितीरिवाजांनुसार तिचा विवाह राजूशी झाला. वर्षभरानंतर राजूने स्वत: मुस्लिम असल्याचे उघड केले. त्याचे खरे नाव सिराज कुरेशी आहे. जर त्याला तिच्यासोबत राहायचे असेल तर तिला इस्लाम स्वीकारून लग्न करावे लागेल, असे सिराजने सांगितले.
२०२१ मध्ये जेव्हा ही महिला भाड्याच्या घरात राहू लागली तेव्हा तिला समजले की सिराजचे आधीच लग्न झाले आहे. आणि त्याला चार मुलंही आहेत. मात्र सिराजने हिंदू महिलेला इस्लाम स्वीकारण्यास भाग पाडले आणि मे २०२२ मध्ये तिच्याशी लग्न केले. यानंतर, एका वर्षाच्या आत, त्याने महिलेला तलाक दिला.
त्यानंतर या संपूर्ण प्रकरणाची भिवंडी पोलिसांत तक्रार करताना महिलेने सिराज कुरेशीविरोधात एफआयआर दाखल केला. याप्रकरणी कारवाई करताना पोलिसांनी सिराजला अटक केली आहे.
