'महिलांना कमरेपर्यत पुरा, मग तिला दगडाने ठेचून ठार करा'; ब्रिटिश इमामाचा व्हिडिओ व्हायरल!

नवी दिल्ली : सोशल मीडियावर दि. २२ ऑगस्ट रोजी एक व्हिडिओ व्हायरल होत आहे. या व्हिडिओमध्ये शेख जकाउल्लाह सलीम नावाचा इमाम लोकांसमोर तकरीर (भाषण) देत आहे. या व्याख्यानात, इमाम एका महिलेला दगड मारून ठार मारण्याचा अधिकार सांगतोय. यासोबतच इमाम अशा शिक्षेची पद्धतही शिकवत आहेत. हा व्हायरल व्हिडिओ यूकेच्या बर्मिंघम येथील ग्रीन लेन मशिदीचा आहे. या मशिदीला अलीकडेच तरुणांना मदत करण्याच्या नावाखाली ब्रिटीश सरकारने £2.2 दशलक्ष (रु. 23.24 कोटी) अनुदान दिले होते.

 

व्हायरल व्हिडिओमध्ये इमाम शेख जकाउल्लाह सलीम यांनी लोकांना सांगितले की, दगड मारण्यापूर्वी महिलेला तिच्या कमरेपर्यंत जमिनीत गाडले पाहिजे. इमाम यांनी अर्धा मृतदेह जमिनीत गाडण्यामागे इस्लामच्या 'शरिया' कायद्याचा हवाला दिला आहे.हा व्हिडिओ सोशल मीडियावर व्हायरल झाल्यानंतर अनेक वापरकर्त्यांनी शेख जकाउल्लाह सलीम खरोखरच अशा शिक्षेचे समर्थन करतात का, असे म्हटले, कारण त्याच इमामचा आणखी एक व्हिडिओही व्हायरल झाला आहे.ज्यामध्ये दगडफेक करून केलेल्या हत्येला 'ज़िना' (इस्लामनुसार अवैध संबंध) साठी शिक्षा असल्याचे सांगतो.

 

या व्हिडिओमध्ये शेख जकाउल्लाह सलीम यांनी इस्लामिक शरियतचा हवाला देत ज़िना करणार्‍याला शरियतनुसार शिक्षा दिली जाईल, असे म्हटले आहे. इमाम म्हणतो की, व्यभिचार करणाऱ्या विवाहित व्यभिचारी पुरुष किंवा स्त्रीला दगडाने ठेचून मारणे हीच शिक्षा आहे. इस्लामिक कायद्याचा हवाला देत इमामने ज़िनावर मुस्लिमांच्या संमेलनात अविवाहितांसाठी १०० कोडे मारण्याचा कायदा सांगितला.

 

इमाम पुढे म्हणतो,“ज्याप्रमाणे अल्लाहने सूरा-अन-नूरच्या सुरुवातीला म्हटल्याप्रमाणे ज़िना करणाऱ्या स्त्री-पुरुषांना मारून टाका. जेव्हा अल्लाहच्या धर्माचा प्रश्न येतो तेव्हा तुम्ही कोणत्याही प्रकारची दया किंवा सहानुभूती दाखवू नये. इमामने आपल्या धार्मिक पुस्तकातून उद्धृत करून, बाकीच्या लोकांना अशी शिक्षेचा साक्षीदार बनण्याचे आवाहन केले.

व्हिडिओमध्ये दिसणारा इमाम शेख जकाउल्लाह सलीम, बर्मिंगहॅममधील ग्रीन लेन मशिदीच्या वेबसाइटवर आहे. वेबसाइटमध्ये, इमामचे वर्णन मशिदीतील शिक्षण प्रमुख म्हणून केले आहे, त्याचे वर्णन कारी असे केले आहे. धार्मिक अभ्यासासोबतच इमाम यांनी अगदी लहान वयातच कुराणचे पांठातर केले. इमाम शेख जकुल्ला यांनीही अनेक प्रसंगी तरावीहच्या नमाजाचे नेतृत्व केले. यासह त्याने नुकतेच मार्कफिल्ड इन्स्टिट्यूट ऑफ हायर एज्युकेशनमधून इस्लामिक शिक्षणात पदव्युत्तर शिक्षण पूर्ण केले आहे.
 

व्हायरल झालेल्या व्हिडिओमध्ये ग्रीन लेन मशिदीचे मिशन स्टेटमेंट 'इन्स्पायर एज्युकेट सर्व्ह' असे लिहिले आहे. विशेष बाब म्हणजे जुलै २०२३ मध्ये या मशिदीला ब्रिटिश सरकारने £2.2 मिलियन (23.24 कोटी रुपये) ची आर्थिक मदत दिली होती. धार्मिक समुदायांना द्वेषपूर्ण गुन्हे आणि दहशतवादी हल्ल्यांपासून रोखण्यासाठी मदत करण्याच्या नावाखाली ही मदत देण्यात आली. मात्र, दिलेल्या पैशांचा चांगला वापर न करता इमाम शेख जकाउल्लाह सलीम या महिलेला दगडाने ठेचून ठार मारण्यासाठी चिथावणी देत ​​असल्याचे व्हायरल व्हिडिओमध्ये दिसत आहे.