इस्लाम सोडण्याचं नाटक! हिंदू मुलीशी निकाह करत केलं जबरदस्ती धर्मांतरण

लखनऊ : उत्तर प्रदेशातील हरदोई येथून लव्ह जिहादचे अनोखे प्रकरण समोर आले आहे. रोशन अली नावाच्या कट्टरपंथी तरुणाने हिंदू महिलेला अडकवण्यासाठी इस्लाम सोडून हिंदू धर्म स्वीकारण्याचे नाटक केले. तसेच हिंदू रीतिरिवाजानुसार मंदिरात तिच्याशी लग्न केले.मात्र नंतर अलीने पीडितेला इस्लाम धर्म स्वीकारून लग्न करण्यास भाग पाडले. यावर हिंदू संघटनांनी प्रश्न उपस्थित केले आहेत.

पोलिसांनी सांगितले की, हरदोई जिल्ह्यातील सुरसा पोलीस स्टेशन हद्दीतील रामपूर गावातील नसीरुद्दीनचा मुलगा रोशन अली हा दिल्लीत राहत असताना फुल विक्रीच्या दुकानात काम करायचा. दिल्लीत त्याची भेट टिळक नगरच्या विष्णू गार्डन परिसरात राहणाऱ्या लक्ष्मी बन्सल नावाच्या मुलीशी झाली.हळूहळू दोघेही प्रेमात पडले आणि दोघांनी लग्न करण्याचा निर्णय घेतला. रोशन अलीने मुलीच्या नातेवाइकांना रोशन लाल अशी ओळख दिली. दरम्यान, रोशन हा मुस्लिम असल्याचे कुटुंबीयांना कळाले की त्याचे नाव रोशन लाल नसून रोशन अली आहे. यानंतर त्यांनी लग्नास नकार दिला.

 

त्यानंतर मुलीशी लग्न करण्यासाठी रोशन अलीने स्वखुशीने इस्लाम सोडून हिंदू धर्म स्वीकारणार असल्याचे सांगितले. यावर मुलीचे कुटुंबीय तयार झाले. रोशन अलीने दिल्लीतील आर्य समाज मंदिरात जाऊन हिंदू धर्म स्वीकारला. त्यांनी आपले नाव बदलून रोशन लाल असे ठेवले.रोशनी अलीने हिंदू धर्म स्वीकारल्यानंतर मुलीच्या घरच्यांच्या संमतीने त्यांने दिल्लीतील आर्य समाज मंदिरात लक्ष्मी बन्सलसोबत लग्न केले. यानंतर त्याने सुमारे दोन महिने मुलीला हिंदू म्हणून पत्नी म्हणून ठेवण्याचे नाटक केले.