जिहादी प्रवृत्तींच्या वधासाठी हिंदू संघटित होतोय!

यावेळी ऐतिहासिक व्याख्यानकार राहुल सोलापूरकर यांनी छत्रपती शिवाजी महाराजांचा चुकीचा इतिहास सांगणार्‍यांना चांगलेच सुनावले. महाराजांकडे असलेल्या मुस्लीम सैनिकांच्या संख्येबाबत होणार्‍या अपप्रचाराला प्रत्युत्तर दिले आहे. महाराजांच्या सैन्यात ४३६ मराठे आणि केवळ दोन मुसलमान सैनिक होते, याचा संपूर्ण खुलासा त्यांनी यावेळी केला. त्यामुळे फसव्या प्रचाराला बळी पडू नका, असे आवाहन त्यांनी हिंदूंना केले आहे. हिंदूधर्म लेचापेचा नाही हे शिवशौर्य भारतभर दाखवून दिले. असे म्हणत त्यांनी हिंदूंमध्ये आपल्या भाषणातून ऊर्जा निर्माण केली. त्याचप्रमाणे रा.स्व.संघाचे कोकण प्रांत संघचालक डॉ. सतीश मोढ, लेफ्ट. कर्नल (नि) मनोज कुमार सिन्हा, बजरंग दलचे कोकण प्रांत अध्यक्ष जोगसिंह, बजरंग दलचे कोकण प्रांत संयोजक संदीप भगत, महामंडलेश्वर स्वामी विश्वेश्वरानंद गिरीजी महाराज, लेफ्ट. कर्नल (नि) जगदीप सिंग मनचंदा यांचीही भाषणे झाली. शिवशौर्य यात्रेच्या मुंबईतील समापन समारोहास दहा हजारांहून अधिक हिंदू उपस्थित होते.

मुंबई : “ज्याप्रमाणे महिशासुर राक्षसाचा वध करण्यात आला, अफजलखानसारख्या एका जिहादीचा वध करण्यात आला, त्याप्रमाणे आता आपल्यालाही भारतातील जिहादी प्रवृत्तीचा वध करायचा आहे. भारतात राहून ‘हमास’सारख्या जिहादींना आज समर्थन करणारे उद्या पाकिस्तानलाही समर्थन द्यायला कमी करणार नाही. अशा जिहादींविरोधात हिंदू एकजुटीने संघटित होऊ पाहतोय,” असे प्रतिपादन विश्व हिंदू परिषदेचे संयुक्त महामंत्री डॉ. सुरेंद्र जैन यांनी मुंबईत केले.

सिंधुदुर्गापासून सुरू झालेल्या यात्रेचा समारोप १६ दिवसांच्या प्रवासानंतर मुंबईत झाला. यात्रेच्या माध्यमातून हिंदू तरुणांमध्ये छत्रपती शिवरायांचे शौर्य जागवण्याचा प्रयत्न होता. त्याचप्रमाणे हिंदू समाजापुढे येणार्‍या आव्हानांना तोंड देण्यासाठी हिंदूंमध्ये ऊर्जा, जिद्द, शक्ती निर्माण व्हावी, हा यात्रेमागचा उद्देश होता. आज तो सफल झाल्याचे दिसत आहे. ७०२ नव्या समित्यांची स्थापना या माध्यमातून झाली आहे. त्यामुळे देव, देश, धर्मासाठी हिंदू समाज नक्कीच पुढे येईल, याची खात्री झाली आहे.
- मोहन सालेकर, कोकण प्रांत मंत्री, विहिंप

संपूर्ण देशभरात शौर्य जागरण यात्रा यशस्वीपणे झाली. आठ हजार यात्रांच्या माध्यमातून ८० हजार गावांमध्ये संपर्क करण्यात आला. संपूर्ण देशभरातील युवावर्गाने भारतापुढे येणार्‍या आव्हानाला सामोरे जाण्याचा संकल्प हाती घेतल्याचे शिवशौर्य यात्रेदरम्यान दिसून आले. त्यामुळे आता ‘लव्ह जिहाद’, जिहादी धर्मांधता यांसारख्या गोष्टी खपवून घेतल्या जाणार नाहीत. नवरात्रीच्या शुभमुहूर्तावर ही सभा पार पडली, त्यामुळे हाती घेतलेला संकल्प नक्कीच पूर्ण होईल याची खात्री आहे, अशी प्रतिक्रिया डॉ. सुरेंद्र जैन यांनी दै. ‘मुंबई तरुण भारत’शी बोलताना दिली.