देशविरोधी हिंसाचारात आमचाच सहभाग ; सीपीआय माओवादी गटाची कबुली

 

 

 

मुंबई : सरकारने बंदी घातलेल्या कम्युनिस्ट पार्टी ऑफ इंडियाच्या माओवादी गटाकडून नुकत्याच प्रसिद्ध करण्यात आलेल्या एका पत्रकामुळे सध्या मोठी खळबळ उडाली आहे. सीपीआयच्या या माओवादी गटाने काढलेल्या एकवीस पाणी पत्रकात देशात मागील काही महिन्यांमध्ये घडलेल्या समाजविरोधी आणि सरकार विरोधी घटनांमध्ये सहभागी असल्याची कबुली देण्यात आली आहे. तसेच पक्षाच्या समर्थकांना आपल्या संघटनेचा प्रभाव वाढविण्यासाठी काही संघटनांना सोबत घेऊन सरकारच्या विरोधात जनभावना भडकविण्यासह आंदोलने करण्यास भाग पाडण्याचे देखील या पत्रकात म्हटले आहे. तसेच दिल्ली येथे कृषिविधेयकांच्या विरोधात झालेल्या शेतकरी आंदोलनाचा उल्लेख करून ते घडवण्यात आपला सहभाग असल्याचेही नमूद करण्यात आले आहे. याबाबत एका वृत्तसंस्थेने काही दावे केले आहेत.

 

 

 

 

 

 

पत्रातील मजकूरात म्हटले आहे की, 'माओवादी विचारसरणीच्या प्रभावामुळे आणि चळवळीमुळे देशात काही ठिकाणी हिंसा भडकविण्यात आणि आंदोलने छेडण्यात संघटलेला यश आले आहे. ओडिशा, तेलंगणसह छत्तीसगढ आणि इतर काही भागांमध्ये हे प्रकार सरकारच्या दबावाला न जुमानता हे प्रकार घडले आहेत. दिल्ली येथे कृषी विधेयकाच्या विरोधात झालेल्या आंदोलनामुळे केंद्र सरकारने कृषी कायदे मागे घेतले होते, हे देखील आम्ही केल्याचे माओवाद्यांनी म्हटले आहे. केंद्र सरकारच्या 'अग्निवीर'या सैन्य भरतीशी संबंधित असलेल्या उपक्रमाबाबत घडलेल्या हिंसेला देखील आपणच जबाबदार असल्याचे माओवाद्यांच्या पत्रात नमूद करण्यात आले आहे. तसेच महाराष्ट्र पोलिसांकडून ठार करण्यात आलेल्या मिलिंद तेलतुंबडेच्या मृत्यू बाबत देखील या पत्रात उल्लेख करण्यात आला आहे.'

 

 

१ जानेवारी २०१८ रोजी भीमा कोरेगांव येथील हिंसाचार प्रकरणात आणि पुण्यात पार पडलेल्या एल्गार परिषद प्रकरणात अटकेत असलेल्या आरोपींना न्यायालयाकडून काहीसा दिलासा मिळाला आहे. भीमा-कोरेगाव आणि एल्गार परिषद प्रकरणातील आरोपी असलेल्या आनंद तेलतुंबडेसह इतर ५ आरोपींना त्यांच्या कुटुंबीयांशी बोलण्याची मुभा देण्यात आली आहे. मात्र, वरील आरोपी कुटुंबियांशी केवळ ३ मिनीटे फोनवर बोलू शकतील असे मुंबई सत्र न्यायालयाने आपल्या आदेशात म्हटले आहे.