कोविड लसीकरण संपल्यानंतर सीएए लागू होणार!
गृहमंत्री अमित शाह यांचे सुवेंदू अधिकारी यांना उत्तर
Total Views |
नवी दिल्ली : "देशातील कोरोना लसीकरण पूर्ण झाल्यानंतर सीएए कायद्याच्या अंमलबजावणीची प्रक्रिया सुरु होईल असे केंद्रीय गृहमंत्री अमित शाह आपल्याला आश्वस्त केले असल्याचे पश्चिम बंगालचे विरोधीपक्षनेते सुवेंदू अधिकारी यांनी जाहीर केले. गृहमंत्री अमित शाह यांची भेट घेण्यासाठी अधिकारी दिल्लीत आले असताना त्यांनी सीएए कायद्याच्या अंमलबजावणी बाबत शाह यांच्याशी चर्चा केली.
#WATCH | West Bengal Leader of Opposition Suvendu Adhikari meets Union Home Minister Amit Shah in Parliament, in Delhi. pic.twitter.com/UhMrDFfwQk
— ANI (@ANI) August 2, 2022
देशात सुरु असलेले कोविड प्रतिबंधात्मक लसीकरणाचा कार्यक्रम या सप्टेंबरपर्यंत संपणे अपेक्षित आहे. यानंतर सीएए अंमलबजावणीची सुरवात होईल. अफगाणिस्तान, पाकिस्तान, बांगलादेश या देशांमधून पळून आलेल्या मुस्लिमेतर निर्वासितांना भारताचे नागरिकत्व सीएए कायद्याची लवकरात लवकर अंमलबजावणी व्हावी अशी विनंती अधिकारी यांनी शाह यांना केली होती जी शाह यांनी मान्य केली.
A lot of things were discussed, not everything can be disclosed as I'm a disciplinary soldier of BJP. But I had 2 main agendas - HM assured me of taking an action to root out SSC recruitment scam & to release CAA draft after COVID precaution dose exercise: WB LoP Suvendu Adhikari pic.twitter.com/rSjWGZt4aR
— ANI (@ANI) August 2, 2022
सीएए कायदा संसदेने पारित केलेला असल्याचे त्याच्या अंमलबजावणीला कोणी विरोध करू शकत नाही असे अधिकारी यांनी स्पष्ट केले. अधिकारी यांनी शाह यांच्यासोबतच्या बैठकीत सीएए अंमलबजावणी बरोबरच तृणमूल काँग्रेसच्या १०० आमदारांच्या भ्रष्टाचाराची चौकशी करण्यात यावी अशी मागणीही या भेटी दरम्यान केली असल्याचे जाहीर केले आहे.
