ठाण्यातील 'या' भागात राहणार पाणीपुरवठा बंद

ठाणे : ठाणे महानगरपालिकेच्या रॉ वॉटर पाईपलाईनची कल्याण फाटा भिवंडी येथे गळती काढणे, पावसाळ्यापूर्वी टेमघर येथे २२ केव्ही सबस्टेशनमध्ये अत्यावश्यक कामे करावयाची आहेत. तसेच टेमघर जलशुध्दिकेंद्रामध्ये रॉ वॉटर पाईपलाईनला जलमापक लावणे, टेमघर जलशुध्दिकरण केंद्रामधील सॅन्ड फिल्टरची दुरूस्ती करणे, बापगाव जवळ रॉ वॉटर पाईपलाईनची जोडणी करणे. आदी देखभाल दुरुस्तीची कामे स्टेम प्राधिकरणाच्यावतीने करण्यात येणार आहेत.याकरिता बुधवार दि. ०१ जून रोजी सकाळी ९ ते गुरूवार सकाळी ९ वाजेपर्यत २४ तासांचा शटडाऊन घेण्यात येणार आहे.

 

या कालावधीत घोडबंदर रोड, पातलीपाडा, हिरानंदानी इस्टेट, समतानगर, गांधीनगर, सिध्दांचल,आकृती, सिध्देश्वर, जॉन्स्न, इटर्निटी, ब्रह्मांड, विजयनगरी, गायमुख, बाळकुम, कोलशेत, आझादनगर, ऋतुपार्क, जेल, साकेत, रुस्तमजी, इंदिरानगर, लोकमान्यनगर, श्रीनगर, डिफेन्स, येऊर, विठ्ठल क्रिडा मंडळ, सुरकुरपाडा तसेच कळवा व मुंब्र्याच्या काही भागात पाणीपुरवठा २४ तास बंद राहणार आहे.