कॉंग्रेस आणि आणि डाव्यांचा दुटप्पीपणा

 

नवी दिल्ली: पंजाबमधील गायक आणि काँग्रेस नेता सिद्धू मूसवाला यांची दि. २९ मे रोजी लॉरेन्स बिश्नोई टोळीने गोळ्या घालून हत्या केली होती. या घटनेनंतर डावे-उदारमतवादी आणि काँग्रेस आम आदमी पार्टीच्या नेतृत्वाखालील पंजाब सरकारला सुरक्षेतील त्रुटींबद्दल लक्ष्य करत आहेत. मूसवाला यांच्या हत्येच्या एक दिवस आधी त्यांची सुरक्षा कशी कमी करण्यात आली, याचा उल्लेख अनेक नेत्यांनी केला आहे.

मूसवाला यांच्या सुरक्षेतील त्रुटींबद्दल आवाज उठवणारे डावे-उदारमतवादी आणि काँग्रेसचे नेते विरोधाभासी विचार करत होते, जेव्हा पंतप्रधान नरेंद्र मोदींचा ताफा पंजाबमधील एका पुलावर २० मिनिटे थांबला होता. पूल योगायोगाने पंतप्रधान मोदींचा ताफा ज्या पुलावर अडकला तो भारत-पाकिस्तान सीमेजवळ होता.

काँग्रेसचे ज्येष्ठ नेते आणि राज्यसभेतील विरोधी पक्षनेते मल्लिकार्जुन खरगे यांनी ट्विटर वर “काँग्रेसचे युवा नेते आणि लोकप्रिय गायक सिद्धू मूसवाला यांच्या दुःखद हत्येने मला खूप धक्का बसला आहे. पंजाबमधील कायदा आणि सुव्यवस्था बिघडल्याचे हे प्रतिबिंब आहे की त्याची सुरक्षा काढून घेतल्याच्या एका दिवसानंतर त्याची हत्या झाली. त्यांच्या कुटुंबियांना आणि हितचिंतकांना मनापासून संवेदना.” असे ट्विट केले आहे. मात्र, पंतप्रधान मोदींच्या ताफ्यातील सुरक्षेमध्ये त्रुटी असताना त्यांनी यासाठी भाजप कार्यकर्त्यांना जबाबदार धरले होते.

भारतीय युवक काँग्रेसचे राष्ट्रीय अध्यक्ष श्रीनिवास बीव्ही यांनी या घटनेबद्दल मोठ्या प्रमाणात ट्विट केले आहे. आणि सुरक्षेतील त्रुटींसाठी सध्याच्या सरकारला जबाबदार धरले आहे.  “मोदी जी, जोश कसा आहे?”  असे ५ जानेवारीला जेव्हा पंतप्रधानांच्या ताफ्यात सुरक्षेमध्ये चूक झाली तेव्हा त्यांनी ट्विट केले होते. दि. 29 मे रोजी वादग्रस्त गायक आणि काँग्रेस नेते सिद्धू मूसवाला यांची गोळ्या झाडून हत्या करण्यात आली होती. पंजाबमधील मानसा जिल्ह्यात त्याच्या वाहनावर अनेक राऊंड गोळीबार करण्यात आला. त्यांना तातडीने रुग्णालयात नेण्यात आले, तेथे त्यांना मृत घोषित करण्यात आले. लॉरेन्स बिश्नोई टोळीने या हत्येची जबाबदारी स्वीकारली, मूसवाला त्यांच्या टोळीतील एका सदस्याच्या हत्येत सामील असल्याचा आरोप केला, परंतु अद्याप पोलिसांनी त्याच्यावर कोणतीही कारवाई केली नाही.