तीन दिवस अडकलेल्या व्यक्तीची लष्कराने कशी केली सुटका ?
Total Views |
तिरुअनंतपुरम : केरळमध्ये तीन दिवसांपासून डोंगरांमध्ये अडकलेल्या तरुणाची सुटका करण्यात आली असून त्याला थेट रुग्णालयात नेण्यात आले आहे. भारतीय लष्कर आणि हवाई दलाच्या संयुक्त कारवाईनंतर दोन टेकड्यांमध्ये अडकलेल्या दोरीच्या साहाय्याने या तरुणाला बाहेर काढण्यात आले.
टेकड्यांमध्ये तरुण अडकला कसा ?
केरळमध्ये ३ दिवसांपूर्वी ट्रेकिंगला गेलेल्या आर बाबू नावाच्या तरुणाचा पाय घसरला आणि तो दोन टेकड्यांमध्ये अडकला. त्यानंतर बाबूने स्वतः खाली वाट पाहत असलेल्या लोकांना या अपघाताची माहिती दिली. केरळच्या पलक्कड जिल्ह्यात ट्रेकिंगला गेलेला बाबू टेकडीत इतके दिवस अडकला की ही घटना त्याला आयुष्यभर विसरता येणार नाही.
सहकाऱ्यांनी वाचवण्याचा प्रयत्न केला
आर बाबू पडल्यानंतर त्याच्या सहकाऱ्यांनी त्याला वाचवण्याचा प्रयत्न केला, मात्र यश न आल्याने त्यांनी स्थानिक प्रशासनाला माहिती दिली. सोमवारी रात्रीपर्यंत यश न मिळाल्याने मंगळवारी पुन्हा प्रयत्न करण्यात आले मात्र यश आले नाही.
Kerala #CM has requested #IndianArmy to help rescue this trekker, he has bn trapped in the position since last 26 hours. pic.twitter.com/QM46nmqn9h
— Levina🇮🇳 (@LevinaNeythiri) February 8, 2022
२ दिवस राहावे लागले उपाशी
जवळपास दोन दिवस आर बाबूंना अन्न-पाणीही मिळाले नाही. यानंतर स्थानिक आमदार ए. प्रभाकरन यांनी मुख्यमंत्री आणि जिल्हा मंत्री कृष्णनकुट्टी यांची भेट घेऊन त्यांना परिस्थितीची माहिती दिली.
या अडचणी आल्या बचाव कार्यात
आर बाबूच्या बचावासाठी राष्ट्रीय आपत्ती प्रतिसाद दल (NDRF) सोबत अनेक पथके गुंतली होती, परंतु थेट चढाईच्या डोंगरावर चढणे शक्य नव्हते. यादरम्यान मंगळवारी हेलिकॉप्टरचीही मदत घेण्यात आली, मात्र यश आले नाही.
मुख्यमंत्र्यांनी लष्कराची मदत मागितली
मुख्यमंत्री पिनराई विजयन यांनीही हस्तक्षेप करत तरुणांना वाचवण्यासाठी भारतीय लष्कराची मदत घेतली. यानंतर बंगळुरूहून हवाई दल आणि लष्कर मदतीसाठी पोहोचले.
लष्कराने बचाव कार्य केले
यानंतर बेंगळुरू आणि वेलिंग्टन येथून आर्मी टीम आणि इंडियन एअर फोर्स व्यतिरिक्त काही गिर्यारोहक टीम मदतीसाठी पोहोचली. सर्व प्रथम बाबूंना अन्न आणि पाणी पाठवण्यात आले. यानंतर लष्कराच्या तज्ज्ञांनी बचाव कार्यासाठी आधुनिक उपकरणे आणि दोरीच्या साहाय्याने बाबूची सुटका केली.
