२५ मुलांच्या स्वप्नांना गंभीरमुळे मिळाले ‘पंख’

01-Aug-2020

Total Views | 31

नवी दिल्ली : कोरोनामुळे अनेक जणांच्या नोकऱ्या गेल्या, व्यवसाय ठप्प झाले. रोजंदारीवर असलेल्या कामगारांचे अतोनात हाल झाले. अशामध्ये अनेकांनी वेगवेगळ्या प्रकारे गरजूंना मदत करून माणुसकीचे उदाहरणे समोर ठेवली. भारतीय माजी क्रिकेटपटू आणि भाजप खासदार गौतम गंभीर यानेदेखील एक कौतुकास्पद पाऊल उचलले आहे. गंभीरने देहविक्रीचा व्यवसाय करणाऱ्या महिलांच्या मुलांच्या शिक्षणाची जबाबदारी घेतली आहे.

It’s a special day for me & I want to share some imp news

To get children of sex workers out of that hell, I am starting program “PANKH” with 25 children & I’ll look after all their needs incl shelter & edu! I urge others to come fwd & contribute too!

EVERY LIFE MATTERS!
— Gautam Gambhir (@GautamGambhir) July 31, 2020

कोरोनाकाळात अनेकांना आर्थिक संकटांचा सामना करावा लागत आहे. अशामध्ये देहविक्रीचा व्यवसाय करणाऱ्या महिलांसमोर पोटाची खळगी कशी भरायची असा प्रश्न उभा राहिला. यांच्यासाठी खासदार गंभीरने ‘पंख’ उपक्रम राबवत देहविक्रीचा व्यवसाय करणाऱ्या महिलांच्या २५ मुलांच्या शिक्षणाची जबाबदारी घेतली आहे. देहविक्री करणाऱ्यांच्या मुलांना त्या नरकातून बाहेर काढणे ही प्रत्येकाची जबाबदारी असल्याचे गंभीर यांनी ट्विट केले आहे.