भारताचा हात फिलिपिन्सबरोबर

फिलिपिन्सनेदेखील सदर करारातून आपली यापुढील धोरणे ‘अ‍ॅण्टी चायना पॉलिसी’अंतर्गत असतील, हे या करारावरून दाखवून दिले आहे. दुसरीकडे फिलिपिन्सची बदललेली भूमिका आणि भारताबरोबरील व्यापार करारामुळे चीनवर दुहेरी वार झाल्याचे दिसते. कारण, या क्षेत्रात भारताची स्थिती एका बाजूला अधिक बळकट झाली, तर दुसरीकडे ‘अ‍ॅण्टी चायना पॉलिसी’अंतर्गत भूमिका घेत फिलिपिन्सने शत्रू देशांनी वेढलेल्या चीनला जागतिक स्तरावर आणखी दुबळे केले आहे. दरम्यान, फिलिपिन्सबरोबरील द्विपक्षीय व्यापार करारातून भारताच्या मुत्सद्देगिरीची झलकही पाहायला मिळते. कारण, गेल्या काही काळापासून चीन आणि फिलिपिन्सदरम्यानचे संबंध अस्ताव्यस्त झाले होते. त्याला चीनची विस्तारवादी धोरणे कारणीभूत होती आणि भारताने दोन्ही देशांतील याच गोंधळाचा लाभ घेतला व फिलिपिन्सला मदतीचा हात देत आपल्या बाजूला आणले.