कुंभमेळ्यासाठी १.२२ लाख स्वच्छतागृहे

कुंभमेळ्यासाठी जगभरातून भाविक येत असतात. या सर्वांच्या सोयीसाठी प्रशासनाने चांगले पाऊल उचलले आहे. यंदाच्या कुंभमेळ्यात सरकारकडून हायटेक सुविधा पुरविण्यात आल्या आहेत. भाविकांच्या सुविधेचा आणि सुरक्षेचा विचार करून त्रिवेणी संगमावर रुग्णालयाची उभारणी करण्यात आली आहे. या रुग्णालयात एकूण १०० बेड आहेत. कुंभमेळ्यात ४० हजार एलईडी लाईट्स लावण्यात आल्या आहेत. यंदाच्या कुंभमेळ्यामध्ये लेझर शो आणि इतर सांस्कृतिक कार्यक्रम आयोजित करण्यात आले आहेत. कुंभमेळ्यात येणाऱ्या भाविकांसाठी ठिकठिकाणी ५० ‘आरओ’ वॉटर एटीएम उभारण्यात आले आहेत. यंदाच्या कुंभमेळ्यात सरकारकडून स्वच्छतेकडे विशेष लक्ष दिले जाणार आहे.