स्वत: साकारला घरचा बाप्पा!

 

अभिनेत्री सोनाली कुलकर्णी, अभिनेता राकेश बापट व दिग्दर्शक रवी जाधव या सेलिब्रिटींनी आपला बाप्पा घरीच तयार केला. हाच ट्रेंड लवकरच सामान्यांमध्येही येत असल्याचे दिसून येते. मुंबईतील काळचौकी अभ्युदर नगर येथे राहणाऱ्या तनया गावडे हिने देखील आपल्या घरच्या बाप्पाची मूर्ती स्वत: साकारली आहे. गेली दोन वर्षे ती हे करत आहे. तनया फॅशन डिझाइनिंग निमित्त पुण्यात असते. गणपती निमित्त ती सध्या मुंबईत आली आहे. ही गणपतीची मूर्ती तनयाने पुण्यातील गणेश चित्रशाळेत बनवली. तेथून ती मूर्ती जपत सांभाळत ती मोठ्या काळजीने मुंबईत घेऊन आली. गावडे कुटंबियांच्या घरचा हा गणपती दीड दिवस असतो. त्यामुळे स्वत: साकारलेल्या या बाप्पांच्या मूर्तीचे आज विसर्जन करताना तनयाने जड अंत:करणाने त्यांना निरोप दिला.