अशोक सराफ आणि पद्मिनी कोल्हापूरे यांचा ‘प्रवास’
महा एमटीबी   18-Oct-2018

 


 
 
मुंबई : ज्येष्ठ अभिनेते अशोक सराफ आणि अभिनेत्री पद्मिनी कोल्हापूरे हे दोघे दिग्गज कलाकार पहिल्यांदाच मराठी सिनेमात प्रेक्षकांना एकत्र दिसणार आहेत. तसेच विक्रम गोखले, रजत कपूर आणि शशांक उदारपूरकर हे कलाकारही या सिनेमात दिसणार आहेत. नुकताच या सिनेमाचा मुहूर्तसोहळा पार पडला.
 

प्रवासच्या निमित्ताने एक वेगळ्या प्रकारची भूमिका साकारायला मिळाली, प्रवास हा सिनेमा प्रेक्षकांना एक वेगळी अनुभूती देईल. असे अभिनेते अशोक सराफ यांनी याप्रसंगी म्हटले. तसेच बऱ्याच काळानंतर मराठी सिनेसृष्टीत काम करायला मिळाल्याबद्दल पद्मिनी कोल्हापूरे यांनी आनंद व्यक्त केला. ‘जे शेष आहे तेच विशेष आहे’ असे प्रवास हा सिनेमा सांगतो. प्रवास सिनेमाच्या निमित्ताने मला सिनेसृष्टीतल्या या दिग्गजांबरोबर काम करायला मिळाले. त्यांच्याकडून बरेच काही शिकायला मिळाले. असे दिग्दर्शक शशांक उदारपूरकर यांनी म्हटले. कला क्षेत्रात प्रवास करण्याची माझी इच्छा या सिनेमाच्या निमित्ते पूर्ण झाली. असे म्हणून निर्माते ओम छंगानी यांनी कलाकांराचे आभार मानले. सलीम-सुलेमान या हिंदीतील सुप्रसिद्ध संगीतकार जोडीने प्रवास सिनेमाला संगीत दिले आहे.

 

माहितीच्या महापुरात रोजच्या रोज नेमका मजकूर मिळविण्यासाठी लाईक करा... facebook.com/MahaMTB/