तरूण भारत’ अल्पना कला स्पर्धा-२०१८ अंतर्गत रांगोळी स्पर्धेतभडगावला गायत्री पवार प्रथम, ममता परदेशी द्वितीय

तरूण भारत’ अल्पना कला स्पर्धा-२०१८ अंतर्गत रांगोळी स्पर्धेत
भडगावला गायत्री पवार प्रथम, ममता परदेशी द्वितीय

भडगाव, १५ ऑक्टोबर
‘जळगाव तरूण भारत’ने नवरात्रोत्सवाचे औचित्य साधून भडगाव येथे सोमवार, १५ ऑक्टोबर रोजी आयोजित अल्पना कला स्पर्धा २०१८ अंतर्गत रांगोळी स्पर्धेत गायत्री संजय पवार हिने प्रथम तर सौ. ममता अतुलसिंह परदेशी यांनी द्वितीय तर अंकिता रुपेश जैन यांनी तिसरा क्रमांक पटकावला आहे. तर पाच विजेत्यांना उत्तेजनार्थ बक्षिसे देण्यात आली. ही स्पर्धा संत सेना महाराज विठ्ठल मंदिर नाचणखेडा रोड येथे उत्साहात पार पडली. विजेत्यांना मान्यवरांच्या हस्ते बक्षिसे देण्यात आली.

डॉ.संजीव पाटील यांचे सहकार्य
या स्पर्धेसाठी डॉ.संजीव पाटील युवा प्रतिष्ठान यांनी मोलाचे सहकार्य केले. बेटी बचाओ, बेटी पढाओ, स्त्री भ्रृणहत्या आणि अनेकविध विषयांच्या रांगोळ्या पाहून डॉ.संजीव पाटील यांनी उपक्रमाचे कौतुक केले.
प्रथम, द्वितीय अन् तृतीय पारितोषिक
* प्रथम - गायत्री पवार, १००१/रू रोख,स्मृतिचिन्ह प्रमाणपत्र
* द्वितीय - ममता परदेशी ७०१/रू रोख,स्मृतिचिन्ह
* तृतीय - अंकिता जैन ५०१/रू रोख, स्मृतिचिन्ह प्रमाणपत्र

३५ स्पर्धकांचा सहभाग
रांगोळी स्पर्धेसाठी दुपारपासून स्पर्धकांनी सहभाग घेतला. या रांगोळी स्पर्धेत ३५ स्पर्धक सहभागी झाले होते. अत्यंत आकर्षक रंग, प्रमाणबद्ध रचना आणि सुटसुटीतपणा यातून साकारेल्या रांगोळींनी मान्यवरांचे लक्ष वेधून घेतले.

वृत्तपत्र विक्रेत्यांचा सत्कार
तसेच वृत्तपत्र विक्रेता दिनानिमित्त भडगाव येथील वृत्तपत्र विक्रेते प्रशांत खांडेकर, राजू दीक्षित, योगेश दीक्षित, देवीदास वाणी, या बांधवांचा मान्यवरांच्या हस्ते तरूण भारततर्फे स्मृतिचिन्ह देऊन सत्कार करण्यात आला.