तीन पोरांनी कमविले तीन करोड 

 

'कॉफी आणि बरंच काही' या चित्रपटानंतर विशाल देवरुखकर या तरुण दिग्दर्शकाने 'टीनएज' मधील तीन मुलांना सोबत घेऊन 'बॉईज' हा मराठी चित्रपट दिग्दर्शित केला. अवधूत गुप्ते हा या चित्रपटाचा प्रेझेंटर आहे. राष्ट्रीय पारितोषिक मिळविलेला पार्थ भालेराव हा कलाकार सोडला तर उरलेले प्रमुख दोघेही तसे अभिनयात नवखेच होते. पण तरीदेखील अनपेक्षितरित्या सध्या हा चित्रपट सुपरहिट ठरला असून कालपर्यंत या चित्रपटाने तीन करोड ७२ लाख रुपयांची कमाई केली होती. 'बॉईज' बरोबरच सुबोध भावे व सोनाली कुलकर्णी यांचा 'तुला कळणार नाही' हा चित्रपट प्रदर्शित झाला होता. पण तो 'बॉईज'च्या तुलनेत खूपच मागे राहिला आहे.