"कबीर सिंह" ठरला ब्लॉकबस्टर

 

'कबीर सिंह' चित्रपटाने पहिल्याच आठवड्यात १३४.४२ कोटींची कमाई करत बॉक्स ऑफिसवर आपली पकड मजबूत केली. त्यानंतर दुसऱ्या आठवड्यात देखील चित्रपटाने प्रेक्षकांवर चांगला प्रभाव पाडत ७८.७८ कोटींची कमाई केली. मात्र तिसऱ्या आठवड्यातील कमाईमध्ये थोडीशी घसरण पाहायला मिळाली. तिसऱ्या आठवड्यात २२.५२ कोटी कमाई करत चित्रपटाने एकूण २३५.७२ कोटींचा गल्ला जमवला आणि एक नवीन विक्रम घडवला. या यशस्वी कमाई बरोबरच २०१९ मधील ही एक ब्लॉकबस्टर फिल्म ठरली आहे.

चित्रपट हा कोणा एकामुळे सफल होत नसतो तर त्यामागे कित्येक लोकांचे परिश्रम, सर्जनशीलता आणि इच्छाशक्ती याची जोड असते. आणि म्हणूनच हा चित्रपट यशस्वी होण्यामागे जितका पडद्यासमोरील कलाकारांचा सहभाग आहे तितकाच पडद्यामागे काम करणाऱ्या व्यक्तींचा.