मुख्यमंत्र्यांपाठोपाठ आदित्य ठाकरेंची 'जन आशीर्वाद यात्रा’; शुक्रवारपासून यात्रेस सुरुवात

लोकसभा निवडणुकीत भरभरुन मतदान करणाऱ्यांचे आभार मानण्यासाठी आणि मतदान न केलेल्यांची मनं जिंकण्यासाठी आदित्य ठाकरे 'जन आशीर्वाद यात्रा' काढणार आहेत. विधानसभा निवडणुकीच्या पार्श्वभूमीवर वातावरण निर्मिती करण्याच्या दृष्टीने शिवसेनेसाठी ही यात्रा अत्यंत महत्त्वाची असणार आहे. विधानसभेसाठी आदित्य ठाकरे यांनी निवडणूक लढवावी अशी शिवसैनिकांची इच्छा आहे. सोबतच शिवसेनेच्या मुख्यमंत्री पदाचा चेहरा, अशी चर्चा रंगू लागल्याचे आदित्य ठाकरेंच्या या यात्रेला महत्त्व प्राप्त झाले आहे. ‘आदित्य संवाद’ यानंतर आदित्य ठाकरेंच्या नेतृत्वाखाली ‘जन आशीर्वाद यात्रा’ हे शिवेसेनेचे दुसरे महत्त्वाचे पाऊल आहे.

 

दरम्यान, मुख्यमंत्री देवेंद्र फडणवीस हे देखील राज्यातील सर्व विधानसभा मतदार संघांमधून ‘विकास रथयात्रा’ काढणार आहेत. 'फिर एक बार शिवशाही सरकार' आणि 'अब की बार २२० के पार', या शीर्षकाखाली ही यात्रा निघणार आहे. मुख्यमंत्र्यांच्या या रथयात्रेला १ ऑगस्टपासून सुरुवात होणार आहे. परंतु, त्यापूर्वीच शिवसेनेचे नेते आदित्य ठाकरेंच्या नेतृत्वाखाली जन संवाद यात्रेला सुरुवात करणार आहेत.