यापुढे वन्यजीव संरक्षित क्षेत्रांमधून रस्ते नाहीच !

वन्यजीवांचे अपघात टाळण्यासाठी केंद्राचा महत्वपूर्ण निर्णय

 

देशात दरवर्षी रस्तेअपघात मृत्यू होणाऱ्या वन्यजीवांची संख्या मोठी आहे. वन्यजीव अभयारण्ये आणि राष्ट्रीय उद्यानांमधून किंवा त्याच्या नजीकच्या क्षेत्रामधून जाणाऱ्या रस्त्यांमुळे मोठ्या संख्येने वन्यजीवांना आपला जीव गमवावा लागतो. दिल्लीच्या 'वाईल्डलाईफ प्राॅटेक्शन सोसायटी आॅफ इंडिया' (डब्लूपीएसआय) या संस्थेने वन विभागाकडून मिळविलेल्या माहितीच्या आधारे रस्ते व रेल्वे अपघात मिळून २०१४ मध्ये ४१, २०१५ मध्ये ५१, २०१६ मध्ये ५१, २०१७ मध्ये ६३ आणि २०१८ मध्ये ८० बिबट्यांनी जीव गमावला होता. वन्यप्राण्यांच्या मृत्यूूबरोबरच संरक्षित वनक्षेत्रामधून जाणाऱ्या रस्त्यांमुळे तेथील पर्यावरणीय समतोलही ढासळला जात असल्याचे निदर्शनास आले आहे. त्यामुळे यावर ठोस उपाययोजना करण्याच्या अनुषंगाने यापुढे अभयारण्ये आणि राष्ट्रीय उद्यानांमधून रस्ते विकास प्रकल्पांचे नियोजन न करण्याचा महत्वपूर्ण आदेश केंद्रीय रस्ते वाहतूक आणि महामार्ग मंत्रालयाने सर्व राज्यांना दिला आहे.

 

 

 

वन्यजीव व पर्यावरण विषयक मजकूरासाठी लाईक करा...